Aqtau qalasynda teŋız jaǧalauyn zaŋsyz jailaǧan käsıpkerlerdıŋ nysandary nazarǧa ılıktı. Qart Kaspidıŋ jaǧasyndaǧy mobildı pavilondar men balalar elektromobilderı alynyp jatyr, dep habarlaidy "Adyrna" ūlttyq portaly.
Äkımdık qyzmetkerlerı men kommunaldyq mekemeler bırlesıp, 9 A, 14 A jäne 15 A şaǧyn audandary tūsyndaǧy balalarǧa arnalǧan batuttar men velosiped, oiyn maşinalary siiaqty qozǧalys qūraldaryn alyp tastau jūmystaryn bastady.
«Bız bırneşe ret zaŋsyz pavilondardy alyp tastau, sondai-aq balalar oinaityn attraksiondardy jaǧalaudan şyǧaru turaly jazbaşa eskertuler berdık. Alaida, käsıpkerler zaŋǧa baǧynbai, jūmystaryn jalǧastyra berdı. Qazır zaŋ aiasynda pavilondar men özge de qūral-jabdyqtardy alyp tastau jūmystary bastaldy. Būl zaŋsyz äreket jaǧalaudyŋ körkın būzyp qana qoimai, qauıpsızdıkke de äser etedı. Öitkenı, būl käsıpkerler balalardyŋ qauıpsızdıgıne jauap bermeidı», - deidı Aqtau qalasy äkımınıŋ orynbasary Erbol Jūmaǧazin.Mamandardyŋ aituynşa, bügınde jaǧalauda şamamen 35 käsıpker zaŋsyz öz käsıbın döŋgeletıp otyr. Mereke kezınde būl körsetkış 55-ke jetedı.
«Qala tūrǧyndary arasynda saualnama jürgızıldı. Nätijesınde halyqtyŋ basym bölıgı teŋız jaǧalauyndaǧy käsıpkerlıkke qarsy ekenı anyqtaldy. Būl oryndarda käsıp jürgızıp kelgen tūlǧalarǧa ūsynys retınde «Aqbota» saiabaǧy men būryn memorandum jasalǧan sauda bazarlarynyŋ aumaǧyna köşu ūsynyldy», - dedı E. Jūmaǧazin.Äkımşılık qala tūrǧyndarynyŋ talabyn eskerıp, käsıpkerlerge jaŋa aumaqqa köşudı ūsynǧanyn alǧa tartty.
"Adyrna" ūlttyq portaly
Ūqsas jaŋalyqtar
"Bızdı tonap, jerımızdı satyp jatyr": Albaniia halqy premer-ministrdıŋ otstavkaǧa ketuın talap etude
