Halyq ärtısı Roza Rymbaeva dauyldy jelge qaramastan Aqtau qalasynda konsert berdı, dep habarlaidy «Adyrna» tılşısı inaktau.kz-ke sılteme jasap.
Estrada jūldyzynyŋ konsertı 14 nauryz künı qaladaǧy 15-şaǧyn audandaǧy jaǧalauda ötedı dep josparlanǧan. Alaida qūtqaru qyzmetı däl sol künı Maŋǧystau tūrǧyndaryna sekundyna 20 metrge deiın jetetın dauyldy jel turaly eskertu jıbergen. Änşı qolaisyz aua-raiyna qaramastan, konserttı toqtatpai, köpşılıktıŋ aldynda öner körsettı.
Jergılıktı basylymnyŋ jazuynşa, Roza Rymbaevanyŋ önerın tamaşalauǧa 50-ge juyq körermen jinalǧan.
«Konserttı keiınge qaldyrǧymyz kelgen, bıraq Roza Rymbaeva būǧan üzıldı-kesıldı qarsy boldy. Ol Aqtau tūrǧyndary aptap ystyqta da, aiazdy künı de, dauylda da, tıptı susyz qalǧan künderı de osy qalany tūrǧyzǧanyn, sondyqtan būl konserttıŋ aqtaulyqtarǧa degen qūrmetı ekenın aitty»,—dep tüsındırdı ūiymdastyruşylar.Aita keteiık, būǧan deiın Pavlodar qalasynyŋ äkımdıgı Roza Rymbaeva men Qairat Nūrtastyŋ Nauryz merekesıne orai qala tūrǧyndarynyŋ aldynda öner körsetkenı üşın 10 mln teŋge gonorar alatynyn mälımdegen edı.
<
Ūqsas jaŋalyqtar
