Qyzylorda óńirinde saılaýshylardyń belsendiligi joǵary. Keshki 18.00-degi aqparatqa sáıkes, saılaýshylardyń 65,7 paıyz tańdaý jasaǵan. Tańnan beri ýchaskege daýys berýge asyqqan turǵyndar el úshin mańyzdy qadam jasaýda.
Daýys berý kúni shetelde bilim alǵan syrboıylyq stýdentter de óz tańdaýyn jasady. Solardyń biri – halyqaralyq, respýblıkalyq baıqaýlardyń laýreaty, jyraýlyq ónerdiń jas órkeni, jyraý Bıdas Rústembekov pen Qarmaqshy aýdandyq Jyraýlar úıiniń dırektory Aıgerim Eshbaevanyń shákirti Malıka Aldamjarova. Ol Ankaradaǵy saılaý ýchaskesine kelip, daýys berdi.
Malıka Qorqyt ata atyndaǵy Qyzylorda ýnıversıtetiniń "Dástúrli óner" fakýltetinde bilim alǵan. Búginde Túrkııanyń Ankara qalasynda magıstratýrada oqıdy.
Munan bólek, Koreıada bilim alatyn syrboıylyq jerles Madına Jaqypbekova da daýys berýge asyqqan stýdenttiń biri. Ol árbir jas memleket úshin mańyzy bar kúnde jaı qarap otyrýǵa bolmaıtynyn tilge tıek etti.
Aıtý kerek, ártúrli memleketterde qyzmet etetin qyzylordalyq azamattar da óz ýchaskesinen daýys berdi.
Grekııadan Elena Kalandjıdı, Kanadadan Danııar Kýrmanbaev, Koreıadan - Madına Jaqypbek pen Túrkııadan Saǵynysh Nazar, Nazerke Baqtııar, Bekarys Nurıman daýys berdi. Sondaı-aq, Habar agenttiginiń Ózbekstandaǵy menshikti tilshisi qyzylordalyq Raýan Myńbaı da óz tańdaýyn jasady.
Eske salaıyq, óńirde 373 saılaý ýchaskesi bar. Onda 486002 saılaýshy tirkelgen.
"Adyrna" ulttyq portaly
