Ortalyq kommýnıkaııalar qyzmetiniń brıfınginde Qyzylorda oblysynyń ákimi Nurlybek Nálibaev oblys ortalyǵynda qoǵamdyq kólik máselesi túbegeıli sheshilgeni týraly málimdedi.
«Oblys ortalyǵyndaǵy jolaýshylar tasymaldaý qyzmetin jaqsartý maqsatynda 300 jańa avtobýs alynyp, qoǵamdyq kólik máselesi tolyǵymen sheshimin tapty», - dedi aımaq basshysy.
Munan bólek, «Qazaqstan Temir Joly» kompanııasynyń, jergilikti kásipkerlerdiń demeýshiligimen 600 mln. teńgege jýyq qarjyǵa temirjol vokzaly kúrdeli jóndeýden ótti.
Qyzylorda qalasynda zamanaýı úlgidegi avtovokzal ǵımaraty paıdalanýǵa berildi. Jańa avtovokzalda 38 avtobýs marshrýty uıymdastyrylǵan, onyń 1-ýi halyqaralyq, 7-ýi oblysaralyq, 30-y aýdanaralyq baǵytta.
Ekotaksı qyzmetin qurý boıynsha alynǵan 100 elektromobıldiń barlyǵy turǵyndarǵa qyzmet kórsetýde.
