Qyzylordada sý resýrstaryn tıimdi basqarý ádisteri keńinen engizilip jatqanyn Ortalyq kommýnıkaııalar qyzmetiniń brıfınginde Qyzylorda oblysynyń ákimi Nurlybek Nálibaev baıandady.
Memleket basshysynyń, Úkimettiń qoldaýymen der kezinde júrgizilgen kelissózder arqasynda bıyl egis alqaptary sýmen tolyq qamtamasyz etildi, aımaqta sý tapshylyǵy bolǵan joq.
Aýyl sharýashylyǵyna sońǵy 2 jylda 20,3 mlrd. teńgeden astam ınvestıııa tartyldy. Ótken 10 aıda negizgi kapıtalǵa 12,2 mlrd. teńge ınvestıııa salyndy.
«Agrarlyq aımaq sanalatyn Qyzylorda oblysy úshin sýarmaly sý máselesi qashanda ózekti. Bıyl 189 myń 449 gektarǵa aýyl sharýashylyǵy daqyldary egilip, agrotehnıkalyq talaptarǵa saı merziminde tolyq jınaldy. Óndiriste ylǵal únemdeıtin tehnologııalar qoldaný qarqyndy damyp keledi. Jańa tehnologııalardy paıdalaný kólemi 4 myń 400 gektarǵa jetkizildi. Bul ótken jylmen salystyrǵanda 5 ese artyq», - dedi oblys ákimi.
Memleket basshysynyń qoldaýymen bastaý alǵan «Keń dala-2» baǵdarlamasy dıqan qaýymy úshin qolaıly boldy.
Eske salsaq, sońǵy jyldary Syr dıqandary 55 myń gektar kúrish egistigin lazermen tegistedi. Nátıjesinde sýdy únemdep, ónimdilikti 30 paıyzǵa arttyrdy.
