"NEET jastarynyń qundylyǵy"

2760
Adyrna.kz Telegram

Taldyqorǵan qalasynda «Jastardy áleýmettendirý jáne ońaltý» jobasy aıasynda NEET sanatyndaǵy jastardy elimizdiń áleýmettik-ekonomıkalyq ómirine tartý máseleleri boıynsha konferenııa ótti, dep habarlaıdy "Adyrna" ulttyq portaly. 

QR Aqparat jáne qoǵamdyq damý mınıstrligi men Azamattyq bastamalardy qoldaý ortalyǵynyń qoldaýymen «Adyrna» UEB» QQ «Jastardy áleýmettendirý jáne ońaltý» jobasy aıasynda NEET sanatyndaǵy jastardy elimizdiń áleýmettik-ekonomıkalyq ómirine tartý máseleleri boıynsha 2022 jyldyń 17 mamyr kúni Taldyqorǵan polıtehnıkalyq kolledjinde «NEET» jastarynyń qundylyǵy» atty kezdesý ótti.

Joba jastardyń jumys jáne oqýǵa kelgende belsendilik tanytpaý sebepteri, jobalyq keńse tarapynan jastarǵa kómek berý jáne kásibı baǵdarlaý túrleri, NEET jastarynyń qordalanǵan máseleleriniń sheshý joldaryn qarastyrýǵa baǵyttalǵan.

Is-shara jastardy bolashaq ómirlik josparlaryna yntalandyrý jáne shyǵarmashylyq áleýetti damytý baǵytynda iske asyryldy.

Kezdesý qonaǵy kásipker Elbol Estaıuly mansap jáne jeke ósý úshin ómirlik daǵdylardy damytýdaǵy tájirıbelerimen bólisip, shara barysynda jastardyń kásip ashý, áleýmettik máselelerge qatysty suraqtaryna jaýap berdi.

Joba uıymdastyrýshysy "Adyrna" UEB prezıdenti Arman Áýbákir:

"NEET sanatyndaǵy jastarǵa, uzaq merzimdi jumyssyz júrgen jastar, uzaq ýaqyt boıy jumyssyzdardyń negizgi úlesin quraıtyn, otbasylyq mindetterdi oryndaýǵa baılanysty ekonomıkalyq belsendi emes jastar jáne de qysqa merzimdi jumyssyzdar jatady. Bul joba eldegi jastardyń áleýmettik máselelerin sheshýge muryndyq bolyp, atalmysh problemalardy aýyzdyqtaýǵa birden-bir sebep bolyp otyr. Máselen osy syndy jobalardyń arqasynda 10 jylda eldegi NEET sanatyndaǵy jastar úlesiniń kórsetkishi 8,2% - dan 7,1% - ǵa deıin 1,1% azaıyp otyr" dedi.

Sondaı-aq, kezdesý barysynda búgingi kúni eńbek naryǵyndaǵy qajetti mamandyqtar jáne qaı salany belsendi damytý kerek, jastardy kásipkerlik qyzmetke oqytý, kásipkerdiń qajetti daǵdylary, jastarǵa berilgen múmkindik pen sony qalaı durys paıdalaný kerektigi jaıynda sóz qozǵaldy.

Kezdesý spıkeri kásipker Elbol Estaıuly joba jaıynda:

"Biz syndy kásipkerler jas býynǵa úlgi kórsetip, baǵyt-baǵdar berip otyrǵany durys. Sebebi, eldiń ekonomıkasy, eldiń áleýeti damý úshin bıznes salasynyń alar orny úlken. Osy salanyń damýy men jetilýi tikeleı jastarǵa baılanysty. Jastarmen jumys jasaý, jumyssyzdyqpen kúresý jáne jas býynǵa qajetti bilim berýdi júzege asyrýǵa kómek beretin osyndaı jobalardyń qoǵam úshin mańyzy zor" dep pikir bildirdi.

"Adyrna" ulttyq portaly

 

Pikirler