14 naýryz kúni elordadaǵy Maqsut Narikbayev University-de «Public Library» atty qoǵamdyq kitaphananyń saltanatty ashylý rásimi ótti. Public Library qory syıymdylyǵy 13 000 kitapqa deıin jetedi. Minberdegi birinshi zalda qazaq tilindegi ádebıetter, qazaq avtorlary, álemdik bestsellerlerdiń qazaq tiline aýdarmalary, sondaı-aq Qazaqstan týraly shet tilderindegi ádebıetter ornalasqan.
«Jalpy kitap adamnyń ishki dúnıesiniń, oı-órisiniń bilimin keńeıtip, muqtajyn qanaǵattandyratyn rýhanı azyǵy bolyp qala bermek. Al qoǵamnyń ál-aýqaty, damý deńgeıi bilimge tikeleı baılanysty. Qazirgi saıası-ekonomıkalyq jarysta kósh bastap, álemdik arenada jetekshi oryn alý úshin – qoǵamǵa rýhanı jańǵyrtatyn,bilim men ǵylymǵa qolaıly orta usyný kerek», - dedi Maqsyt Narikbayev University Basqarma tóraǵasy Talǵat Nárikbaev.
Ashylý saltanaty Astana Halyqaralyq qarjy ortalyǵynyń sot ókilderi men Halyqaralyq tórelik ortalyǵynyń qazirgi tóraǵasy Tomas Krıýmmel myrzanyń jáne burynǵy tóraǵasy Barbara Domann hanymnyń resmı sapary aıasynda ótkizildi. Jıyn sońynda Qazaqstanǵa alǵash ret resmı saparmen kelgen Tomas Krıýmmel IAC-taǵy kommerııalyq daýlardy sheshý úshin arbıtrajdyń artyqshylyqtary týraly aıtyp berdi. Al Domann hanym 2022 jylǵy Halyqaralyq tórelik ortalyǵynyń tórelik jáne medıaııa erejeleriniń novellalary týraly tyńdaýshylarymen bólisti.
Jalpy JOO-daǵy qoǵamdyq kitaphana degen jańa uǵym emes. Mysaly, New York University, Harvard, Stanford sııaqty álemniń jetekshi ýnıversıtetterinde qoǵamnyń qoldanýyna usynylǵan kitaphanalar bar. Aıta ketsek, Public Library kitaphanasy Maqsyt Narikbayev University-diń negizgi kireberisindegi hollda ornalasqan. Oǵan kez kelgen Astana qalasynyń turǵyndary men qonaqtary kele alady.
