استانادا قوعامدىق كىتاپحانا اشىلدى

2059
Adyrna.kz Telegram

14 ناۋرىز كۇنى ەلورداداعى Maqsut Narikbayev University-دە «Public Library» اتتى قوعامدىق كىتاپحانانىڭ سالتاناتتى اشىلۋ ءراسىمى ءوتتى. Public Library قورى سىيىمدىلىعى 13 000 كىتاپقا دەيىن جەتەدى. مىنبەردەگى ءبىرىنشى زالدا قازاق تىلىندەگى ادەبيەتتەر، قازاق اۆتورلارى، الەمدىك بەستسەللەرلەردىڭ قازاق تىلىنە اۋدارمالارى، سونداي-اق قازاقستان تۋرالى شەت تىلدەرىندەگى ادەبيەتتەر ورنالاسقان.

«جالپى كىتاپ ادامنىڭ ىشكى دۇنيەسىنىڭ، وي-ءورىسىنىڭ ءبىلىمىن كەڭەيتىپ، مۇقتاجىن قاناعاتتاندىراتىن رۋحاني ازىعى بولىپ قالا بەرمەك. ال قوعامنىڭ ءال-اۋقاتى، دامۋ دەڭگەيى بىلىمگە تىكەلەي بايلانىستى. قازىرگى ساياسي-ەكونوميكالىق جارىستا كوش باستاپ، الەمدىك ارەنادا جەتەكشى ورىن الۋ ءۇشىن – قوعامعا رۋحاني جاڭعىرتاتىن،ءبىلىم مەن عىلىمعا قولايلى ورتا ۇسىنۋ كەرەك», - دەدى Maqsyt Narikbayev University باسقارما توراعاسى تالعات نارىكباەۆ.

اشىلۋ سالتاناتى استانا حالىقارالىق قارجى ورتالىعىنىڭ سوت وكىلدەرى مەن حالىقارالىق تورەلىك ورتالىعىنىڭ قازىرگى توراعاسى توماس كريۋممەل مىرزانىڭ جانە بۇرىنعى توراعاسى باربارا دومانن حانىمنىڭ رەسمي ساپارى اياسىندا وتكىزىلدى. جيىن سوڭىندا قازاقستانعا العاش رەت رەسمي ساپارمەن كەلگەن توماس كريۋممەل IAC-تاعى كوممەرتسيالىق داۋلاردى شەشۋ ءۇشىن اربيتراجدىڭ ارتىقشىلىقتارى تۋرالى ايتىپ بەردى. ال دومانن حانىم 2022 جىلعى حالىقارالىق تورەلىك ورتالىعىنىڭ تورەلىك جانە مەدياتسيا ەرەجەلەرىنىڭ نوۆەللالارى تۋرالى تىڭداۋشىلارىمەن ءبولىستى.

جالپى جوو-داعى قوعامدىق كىتاپحانا دەگەن جاڭا ۇعىم ەمەس. مىسالى، New York University, Harvard, Stanford سياقتى الەمنىڭ جەتەكشى ۋنيۆەرسيتەتتەرىندە قوعامنىڭ قولدانۋىنا ۇسىنىلعان كىتاپحانالار بار. ايتا كەتسەك، Public Library كىتاپحاناسى Maqsyt Narikbayev University-ءدىڭ نەگىزگى كىرەبەرىسىندەگى حوللدا ورنالاسقان. وعان كەز كەلگەن استانا قالاسىنىڭ تۇرعىندارى مەن قوناقتارى كەلە الادى.

پىكىرلەر