Nepaldaǵy ushaq apatynan qaza tapqandardyń biri Qazaqstanda turǵan jáne aıaǵy aýyr bolǵan. Bul KTK telearnasy jarııalady, dep habarlaıdy “Adyrna” ulttyq portaly.
Málimet boıynsha, Nepalda ushaq qulaǵan jerde adamdardy izdestirý jumystary áli júrip jatyr. Ázirge tórt jolaýshy týraly aqparat joq. Tek 68 máıit tabyldy. Bortta 72 adam bolǵan. Olardyń tórteýi – ekıpaj músheleri. Tasymaldaýshy ókilderiniń aıtýynsha, eshkim tiri qalmaǵan.
Jolaýshylar arasynda Nepal, Úndistan, Koreıa, Anglııa, Franııa, Argentına turǵyndary, sondaı-aq tórt reseılik bar.
Reseı azamaty Elena Bandýro keıingi ýaqytta Qazaqstanda turyp, sábı kútip júrgen. Tótenshe jaǵdaıdyń sebepterin arnaıy komıssııa belgileıdi.
Eske sala keteıik, Yeti Airlines kompanııasynyń ATR 72 jolaýshylar ushaǵy 15 qańtarda, jeksenbi kúni tańerteń apatqa ushyraǵan bolatyn. Laıner Katmandýdan Poharaǵa bet alǵan. Qoný kezinde ushaq órtenip, ózen shatqalyna qulaǵan. Zardap shekkenderdi izdestirý adam aıaǵy jete bermeıtin jerde bolǵandyqtan qıyndap ketken.
