Aqtóbede "halyq emshisi" shıpa izdegen halyqty 23 mıllıon teńgege san soqtyrǵan, dep habarlaıdy "Adyrna" ulttyq portaly.
Búginde emshiniń ústinen “Alaıaqtyq” baby boıynsha qylmystyq is qozǵaldy.
Emshige úmit artqan halyq baqsy áıel gıpnoz jasap, dem salǵanyn aıtqan. Em alǵandar telefondy emshiniń qolyna bere salǵanyn aıtyp, san soqqanyn kesh túsingen. Baqsy áıel kerek somaǵa nesıe rásimdetip, bar aqshany sanap alǵan.
“Nesıe alyp bershi dedi. Meniń de kredıtim bar dedim. Sodan maǵan em jasady. Sol jerde basym aýyrdy. Sıóıtip sol úıden kete almaı qaldym. Sondaı sıqyr bar eken. Sol úıde qondym. Erteńinde meni jetektep bankke alyp bardy. Qasymda turyp, nesıe rásimdetip, qolymdy qoıyp, kassanyń aldynda turyp aqshanyń bárin sanap aldy”, – deıdi aldanǵandardyń biri Gúlzıpash Tóremuratova.
Alaıaq adamdardan eń azy 1 mıllıon teńge nesıe alǵan kórinedi.
“Alǵashynda kishkentaı somadan bastaıdy. 457 myń teńge boldy. On kúnnen keıin kelseń taǵy da gıpnoz jasaıdy. Odan keıin eshteńe bilmeısiń. Men “apa” dep qarsylyq bildirgende “Qudaı tur, qara, jolyń bolmaıdy, jolyń jabylyp qalady, 5 balań bar” dep qorqytady”, – deıdi kópbalaly ana.
Osylaısha zardap shekkenderdiń sany júzge jýyqtaǵan. Basy daýǵa qalǵan áıeldi polıııa alyp ketken.
“Qylmystyq kodekstiń 190-baby bóligine sáıkes Aqtóbe qalasynyń týmasyna qatysty úshinshi qalalyq polıııa bóliminiń 16 aryzdanýshynyń shaǵymy boıynsha sotqa deıingi tergep-tekserý bastaldy. Qazir tergeý amaldary júrgizilip jatyr”, – dedi Qalalyq PD bastyǵy.
