Prezident Türıkmenstan jerıne baryp, BŪŪ aiasynda ötken teŋızge şyǧar joly joq damuşy elderge arnalǧan konferensiiaǧa qatysqanyn bıletın şyǧarsyzdar.
Ol jerde BŪŪ bas hatşysy Antoniu Guterriş te qatysty. Ol jaqynda ǧana Almatyǧa kelıp, ūiymnyŋ keŋsesınde boldy. Jalpy būl maŋyzdy şaralar ma?
AQŞ 2021 jyly Auǧanstannan äskerın şyǧarǧan kezde būl eldegı jaǧdai uşyqty. Sol uaqytta BŪŪ özınıŋ öŋırlık keŋsesın Almatyǧa köşırgen edı. Keiınırek öŋırlık ortalyq tübegeilı Almatyǧa oryn teuıp, arnaiy keŋsesı aşylatyny belgılı boldy.
Osylaişa, Qazaqstan Bırıkken ūlttar ūiymynyŋ maŋyzdy habyna ainaldy desek te bolady.
Almaty endıgı jerde Jeneva, Vena, Rim, Nairobi, Amman sekıldı qalalarmen bır qatarda tūr. Demek, BŪŪ Qazaqstandy öŋırdegı tūraqty memlekettıŋ bırı sanaidy. Elımız ūstanyp otyrǧan syrtqy saiasatqa qoldau bıldıredı degen söz.
Qazaqstanǧa kelgen Antoniu Guterriş te elımızge joǧary baǧa berdı. Qazaqstandy beibıtşılık pen danalyqtyŋ simvoly, halyqtar arasyndaǧy altyn köpır, mämıleger retınde esepteitının jetkızdı. Mūny diplomatiialyq sypaiylyq emes, elımızdıŋ ūstanǧan syrtqy saiasatynyŋ halyqaralyq arenada baǧalanǧany dep bılgen jön.
Sondai-aq Guterriş myrza Toqaevtyŋ köregendıgın de erekşe atap öttı. Ūzaq uaqyt boiy diplomatiia salasynda jürgenın, BŪŪ-nyŋ Jenevadaǧy keŋsesın basqarǧanyn joǧary baǧalap, halyqaralyq qūqyqty saqtap, älemdegı tūraqtylyqty saqtauǧa üles qosyp kele jatqanyn söz ettı.
BŪŪ-nyŋ Auǧanstan jäne Ortalyq Aziia jönındegı keŋsesınıŋ Almatyda aşyluy, oǧan Guterriş myrzanyŋ özı kelıp qatysuy, Toqaev pen Qazaqstanǧa baǧa beruı elımızdıŋ abyroiyn asqaqtatyp tastady desek, qatelespeimız.
