Aqordada Qazaqstan Prezidentı Qasym-Jomart Toqaev Kambodja Koroldıgınıŋ premer-ministrı Hun Manettı qarsy aldy, dep habarlaidy “Adyrna”.
Joǧary märtebelı meimandy qarsy alu räsımı saltanatty räsımder zalynda öttı. Qūrmet qarauyly sap tüzep, ekı eldıŋ memlekettık änūrandary oryndaldy. Odan keiın Qasym-Jomart Toqaev pen Hun Manet resmi delegasiia müşelerın bır-bırıne tanystyrdy.
Qazaqstan delegasiiasynyŋ qūramynda syrtqy ıster ministrı Mūhtar Tıleuberdı men Astana qalasynyŋ äkımı Jeŋıs Qasymbek boldy.
Saltanatty räsımnen keiın ekı eldıŋ basşylary kelıssözder jürgızuge kırıstı.
2026 jylǧy qaŋtar-tamyz ailarynda Qazaqstan men Kambodja arasyndaǧy tauar ainalymy 29,4 million AQŞ dollaryn qūrady. Būl ötken jyldyŋ säikes kezeŋımen salystyrǧanda 3,2%-ǧa joǧary.
Qazaqstanǧa Kambodjadan negızınen toqyma jäne trikotaj būiymdary, aiaq kiım men özge de tūtynu tauarlary jetkızıledı. Al Qazaqstan Kambodjaǧa köbıne baqylau-ölşeu qūraldaryn eksporttaidy.
