Ekonomist ärı bloger, qazaqtyŋ baspana mäselesın şeşu jolynda halyqqa tanylǧan Däulet Mūqaev QR Parlamentı Mäjılısı deputattarynyŋ sailauyna tüsıp jatyr. Ümıtker öz şeşımı jaily äleumettık jelıde habarlady, dep jazdy "Adyrna" ūlttyq portaly.
- Halyq sūrasa, han tüiesın soiady. Özderıŋız bıletındei men osy uaqytqa deiın “deputattyqqa sailanbaimyn” dep bırneşe märte sūhbat bergenmın. Dese de “Sız deputat boluǧa laiyqsyz” degen tolassyz hat jazyp, “Däulet deputat bolsyn” dep, petisiiaǧa qol qoiǧan qoldauşylarymnyŋ qatary da az bolmady. Halyqtyŋ ünıne qūlaq asyp, qamyn Parlamentte oilaityn kez kelgen siiaqty… Ärı jaŋa Qazaqstan, jastar, özgerıs dep jatyrmyz. Jasym bolsa orda būzar 30-dan asty. Būiyrsa, 19 nauryz künı ötetın sailauǧa QR Mäjılıs deputattyǧyna kandidat retınde özımdı ūsynyp otyrmyn. Eşbır partiia atynan emes. Astana qalasynyŋ Esıl jäne Saryarqa audandarynyŋ #2 bırmandattyq aumaqtyq sailau okrugınen ümıtkermın. Osy uaqytqa deiın “aldyn ala ügıt-nasihat şaralary jürıp, zaŋbūzuşylyq bolyp ketpesın” dep eşbır jerde jariialamadym. Däl qazırgı uaqytta äuelı Allanyŋ, ekınşı ata-anamnyŋ qoldauymen öz ştabymdy jasaqtap, bäigege tüsuge saqadai saimyn, - dedı Däulet Mūqaev.Conymen qatar, Däulet Mūqaev oqyrmandarynan qoldau tanytuyn sūrap, ädılettı sailaudan ümıttı ekendıgın jetkızdı.
- Basqa kandidattar videorolikke arnaiy tapsyrys berıp jatsa, men osy uaqytqa deiın “Qazaqtyŋ Däuletı” dep qoldap kelgen qarapaiym jandarmen video tüsırgım keledı. Osy rette: Qūrmettı menıŋ jaqtastarym sızderdı BÜGIN saǧat 21:00-de Astanamyzdyŋ Botanikalyq baǧynda (Türkıstan köşesı jaǧynan Ortalyq kıreberıs) jinalyp, qoldau video tüsıruge şaqyramyn!!! Astanalyq oqyrmandarym, kelıŋızder. Jinalaiyq. Kezektı bäigege tüskelı otyrǧan säigülıgıŋızdı qoldap jıberıŋızder! Menıŋ kütetınım ädılettı sailau, - dep halyqqa ötınışın jetkızdı ekonomist.
"Adyrna" ūlttyq portaly
Ūqsas jaŋalyqtar
