Qatysýshylar tiziminde 500-den astam oqýshy, olardyń árqaısysy matematıka, fızıka, hımııa, bıologııa, geografııa, ınformatıka, tarıh, quqyqtaný negizderi, sondaı-aq qazaq, orys, aǵylshyn tilderi boıynsha bilimderin synaıdy.
Jaratylystaný-matematıkalyq baǵyttaǵy pánder boıynsha Taldyqorǵan qalasyndaǵy Nazarbaev Zııatkerlik mektebiniń namysyn 26 oqýshy qorǵady.
10-synyp oqýshysy Alı Qasym jelilik olımpıadaǵa ekinshi jyl qatysyp otyr. Sońǵy olımpıadada matematıka páninen úshinshi oryndy jeńip aldy. Alıdiń aıtýynsha, olımpıadalyq qozǵalys – tabysqa, nátıjege jetkize biletin óner.
9-synyp oqýshysy Arına Shırıaeva úshin hımııa – eń súıikti pán. 10-11 synyptarǵa arnalǵan taqyryptardy batyl usynatyn olımpıada Arına úshin qyzyqty tájirıbe. Olımpıadanyń bul tásili ony qorqytpaıdy, kerisinshe, tek yntalandyrady.
16-17 aqpanda qoǵamdyq-gýmanıtarlyq pánder boıynsha jelilik olımpıada ótti. Bul baǵytta 16 oqýshy bilimderin synady.
Qazaq tili 10-synyp oqýshysy Alan Kım úshin súıikti ári jeńil pánderdiń biri. Bul joly ol óz bilimin jelilik olımpıadada synaýdy jón kórdi.
– 6-synypqa deıin qazaq synybynda oqydym. Olımpıadadaǵy barlyq tapsyrmalar men úshin túsinikti jáne qarapaıym bolyp kórindi. Kóptegen adamdar ana tili ata-anasynan daryıdy dep oılaıdy. Meniń oıym, til bilý – qalyptasqan daǵdy, — deıdi Alan.
Jelilik kezeńniń jeńimpazdary men júldegerleri naýryz-sáýir aılarynda ótetin respýblıkalyq olımpıadada «Nazarbaev Zııatkerlik mektepteri» derbes bilim berý uıymynyń quramasyn tanystyrady.
