27 mausym men 3 şılde aralyǧynda Bolgariianyŋ Varna qalasynda ötken Europalyq geografiia olimpiadasyna (European Geography Olympiad, EGeo) 13 memleketten 100 oquşy qatysty. Jarys qorytyndysy boiynşa Qazaqstannyŋ 9 oquşydan qūralǧan ūlttyq qūramasy 2 altyn, 5 kümıs jäne 2 qola medal jeŋıp alyp, komandanyŋ barlyq müşesı jüldeger atandy, dep habarlaidy «Adyrna» tılşısı Oqu-aǧartu ministrlıgıne sılteme jasap.
Būl - Qazaqstannyŋ Europalyq geografiia olimpiadasyna qatysu tarihyndaǧy eŋ üzdık nätije.
Olimpiada barysynda qatysuşylar fizikalyq, äleumettık-ekonomikalyq jäne aimaqtyq geografiia boiynşa teoriialyq jäne praktikalyq tapsyrmalardy oryndap, kartografiialyq materialdar men geografiialyq derekterdı taldau daǧdylaryn körsetken.
Altyn medal iegerlerı:
Andrei Enbahtov - Qostanai qalasyndaǧy jaratylystanu-matematika baǧytyndaǧy NIS-tıŋ 11-synyp oquşysy;
Syrym Amantai - Qaraǧandy oblysyndaǧy N. Nūrmaqov atyndaǧy mamandandyrylǧan mektep-lisei-internatynyŋ 9-synyp oquşysy.
Kümıs medal iegerlerı:
Daryn Bekbol - Jetısu oblysy, Taldyqorǧan qalasyndaǧy Mūhtar Aryn atyndaǧy №24 mamandandyrylǧan liseidıŋ 10-synyp oquşysy;
Azamat Jumajanov - Aqtöbe oblystyq «Bılım-innovasiia» lisei-internatynyŋ 9-synyp oquşysy;
Aidos Serıkbai - Almaty oblysy, Esık qalasyndaǧy A. Mälkeev atyndaǧy «Bılım-innovasiia» lisei-internatynyŋ 11-synyp oquşysy;
Şyŋǧys Mürsälım - Pavlodar qalasyndaǧy jaratylystanu-matematika baǧytyndaǧy NIS-tıŋ 11-synyp oquşysy;
Nūrai Bakeeva - Soltüstık Qazaqstan oblystyq «Bılım-innovasiia» lisei-internatynyŋ 11-synyp oquşysy.
Qola medal iegerlerı:
Amir Darynov - Şyǧys Qazaqstan oblystyq «Bılım-innovasiia» liseiınıŋ 11-synyp oquşysy;
Alan Kozlenko - Şyǧys Qazaqstan oblystyq «Bılım-innovasiia» liseiınıŋ 11-synyp oquşysy.
Ūlttyq qūramany jarysqa geografiia pänınıŋ mūǧalımı Nūrmaǧambet Danat Mūratūly (IQanat High School of Burabay) men «Daryn» respublikalyq ǧylymi-praktikalyq ortalyǧynyŋ ädıskerı Şaihina Oral Bekbolatqyzy daiyndap, jetekşılık etken.
Eske salaiyq, 2025 jyly Qazaqstan qūramasy atalǧan olimpiadada 1 altyn, 2 kümıs jäne 4 qola medal jeŋıp alǧan bolatyn.
Eskertu jäne aldyn alu: Astanada jastar arasyndaǧy esırtkı qylmysyna qarsy küres şaralary talqylandy
