11 aqpan künı Rudnyi qalasy Toporkov köşesındegı 8 päterlı üiden ört şyqqan. Örttıŋ saldarynan baspanasyz qalǧan tūrǧyndar äkımdıkten mülde qoldau bolmaǧanyn aityp, Toqaevqa ündeu joldady, dep habarlaidy “Adyrna” ūlttyq portaly.
Aita keteiık, Ört kezınde üidıŋ ekınşı qabatyndaǧy baspaldaq marşy jartylai örtenıp, jylumen jabdyqtau jüiesı bülıngen. Üide örttıŋ saldarynan elektr quaty öşırılgen. Qazır üi jaramsyz. Alaida, qaida qonystanaryn bılmegen tūrǧyndar jan-aiqaiyn kımge aitaryn bılmei älek.
“Äkımdıktegıler keldı. Üi örtenıp kettı. Podezd örtenıp kettı. Onyŋ sebepterın älı anyq bılmeimız. Qazırgı taŋda 6 adam auruhanada jatyr. Jaǧdailary ortaşa. Özım apparattan şyqtym. Kislorodtan. Ugar ot gaza dep berdı. Aiaǧym auyr 16 apta. Ekınşı qabattan bükıl tūrǧyndar sekırgen. Bırınşı qabattaǧylar terezeden şyqqan. Jaǧdaiymyzdan eşkım habar alǧan joq. Senderge 500 myŋ berdık , boldy deidı. Eşqandai zattar jaramai qaldy. Bız QR-nyŋ azamatymyz. Nege bızdı dalada tastaidy? “,- dep aşyndy tūrǧyn.
Sondai-aq, tūrǧyn Tarazdan Qostanai oblysyna “Oŋtüstıkten Soltüstıkke qonys audaru” baǧdarlamasy arqyly köşıp kelgen. Alaida, tūrǧyndardyŋ aituynşa, äkım oqiǧa bolǧan jerge jaǧdailaryn sūrap kelmegen, tıptı, äkımnıŋ kım ekenın de tūrǧyndar bılmeidı eken.
“Bız Tarazdan Qostanaiǧa “jūmys ısteŋder, körkeitıŋder Qazaqstandy” degen soŋ, qazaqtyŋ sanyn köbeiteiık dep osy jaqqa qarai kelıp, qazaqtandyraiyq degen türımız ǧoi. Bızdı eşkım tyŋdap jatqan joq. Men memleket basşysy Qasym-Jomart Toqaevqa osy ündeuımız jetse eken deimın. Jergılıktı äkımdıktegıler osylai qūjat dūrys bolmaǧan jaǧdaidyŋ özınde äkım retınde osy qalanyŋ adamy retınde bızge kömektesu kerek qoi… Ol kısı bızdıŋ aldymyzǧa kelgen de joq. Äkımnıŋ kım ekenın de bılmeimız. Jügırsekterı keledı. 1-2 qyz. Söileidı ketedı. Onyŋ bızge ne keregı bar?! Qazırgı taŋda üidegı zattardyŋ eşqaisysy jaramaǧan. Terezelerı synǧan. Esıkterı örtenıp ketken. Svet joq. Gaz joq. Üide tūruǧa bolmaidy. Sol üide tūrasyŋdar dep aityp jatyr. Bız mūndai jaǧdaida qalai tūramyz? Kışkentai balalarmen? Menıŋ aiaǧym auyr. Aiaǧy synǧandar bar… Bızdıŋ jaǧdaiymyz qalai bolady?
Bır janaşyr qazaqty qoimai ma äkım qylyp? Orystar keledı de söileidı, ketedı. Soltüstık Qazaqstan orys bolsyn degen söz emes qoi. Jany aşityn jastar ǧana kelıp jatyr. “Qandai kömek kerek?” dep. Bır orystyŋ üiı örtense, bärı jügırıp barady. Al bızderdıkı 8 päter, bıreuınıŋ 4 balasy bar. Bıreuınıŋ 6 ailyq balasy bar. Bıreuı ata-enesımen, ülken kısılermen tūrady. Al menıŋ aiaǧym auyr. Menıŋ densaulyǧyma kım jauap beredı. Bız örttı qoldan jasaǧan joqpyz.
Sondyqtan äkımnıŋ auysuyn talap etemın. Olar bızge üilerıŋdı özderıŋ ıstep alyŋdar deptı. Bız qaida tūramyz, qaşan ol üidı remonttap bolamyz?
Nege bızdıŋ jan-aiqaiymyzdy äkım bolyp bır adam tyŋdauǧa kelgen joq? 5 kün boldy, örttıŋ bolǧanyna, bıraq äkım joq”,- dedı tūrǧyn redaksiiaǧa bergen habarlamasynda.
