Qazaqstan prezidentı Qasym-Jomart Toqaev AQŞ prezidentınıŋ dästürlı moraldyq qūndylyqtardy qalpyna keltıruge baǧyttalǧan jūmystaryna qatysty pıkır bıldırdı, dep habarlaidy “Adyrna”
Toqaev Ūlttyq qūryltai otyrysynda söilegen sözınde qazırgı älemde jahandanudyŋ yqpaly älsırep bara jatqanyn, al memleketşıldık aldyŋǧy qatarǧa şyǧatynyn mälımdedı.
«Jahandanu üderısınıŋ män-maŋyzy joǧalyp barady. Memlekettık ūltşyldyq, yqpal jürgızetın aumaqtardy bölıske salu, älemdık saiasatta aimaqtarǧa bölınu ürdısı aldyŋǧy qatarǧa şyqty. Demokratiialyq moraldyq delınıp jürgen qūndylyqtar, onyŋ ışınde LGBT köptegen elge ondaǧan jyl boiy küşpen taŋylyp, sonyŋ jeleuımen halyqaralyq ükımettık emes ūiymdar men qorlar arqyly memleketterdıŋ ışkı ısıne aşyq aralasu beleŋ aldy. Onyŋ tüpkı maqsaty bar bolǧany ūrlyq, iaǧni san milliardtyq biudjettı qaltaǧa basu eken. «Damu men demokratiia», «adam qūqyqtary», «baspasöz bostandyǧy», «sybailas jemqorlyqqa qarsy küres» dep ūrandatyp jürgenderdıŋ bärınıŋ derlık jeke bailyǧy jalaqysynyŋ mölşerıne eş sai kelmeidı. Sondyqtan Prezident Tramp bastaǧan Amerika äkımşılıgınıŋ jappai qyzmet babyn asyra paidalanuǧa qatysty oqiǧalardy anyqtauǧa jäne «tūŋǧiyq memleket» ūǧymyna tän saiasi ekıjüzdılıktı äşkereleuge, dästürlı moraldyq qūndylyqtardy qalpyna keltıruge baǧyttalǧan jūmystary qoldauǧa laiyq. AQŞ-ta jasalyp jatqan şaruanyŋ bärı bükıl älemge tıkelei äser etetını barşaǧa mälım», - dedı Toqaev.
Ūqsas jaŋalyqtar
