Talǧar audanynyŋ polisiiasy Talǧar qalasynyŋ äkımı Arystanbek Äbılhaiyrūly men onyŋ orynbasaryn uaqytyly qar men mūzdy tazalamaǧany üşın jauapkerşılıkke tartty, dep habarlaidy "Adyrna".
Polisiianyŋ mälımetınşe, äkımdık köşe-jol jelısın tazalau, qozǧalys qauıpsızdıgın qamtamasyz etu jäne infraqūrylymdyq nysandardy kütıp ūstau boiynşa talaptardy oryndamaǧan.
«Talǧar qalasynyŋ äkımı men onyŋ orynbasary Äkımşılık qūqyqbūzuşylyq turaly kodekstıŋ 631-babynyŋ 1-bölıgı boiynşa aiyppūlǧa tartyldy. Sonymen qatar, “Tūrǧyn Üi” jäne “Almaty joldary” merdıger ūiymdary qysqy mausymda jol kütımıne qatysty kelısımşarttyq mındettemelerın oryndamaǧany üşın jauapqa tartyldy», – dep habarlady audandyq polisiia basqarmasy.
Kodeks boiynşa aiyppūl mölşerı 10 ailyq eseptık körsetkıştı (39 320 teŋge) qūraidy.
Äkım synǧa jauap berdı
Oqiǧadan keiın qala äkımı Arystanbek Äbılhaiyrūly äleumettık jelıde syn aitqan tūrǧyndarǧa jauap berıp, olardy bırge şyǧyp, köşelerdı tazalauǧa şaqyrdy.
«Eger özderıŋız sondai belsendı bolsaŋyzdar, erteŋ menımen bırge qala üşın jūmys ısteiık», – dedı ol öz jazbasynda.
Būl mälımdeme äleumettık jelı qoldanuşylary arasynda qyzu talqylanyp, pıkırtalas tudyrdy. Köpşılık äkımnıŋ mındetı — kommunaldyq qyzmetterdıŋ jūmysyn üilestıru ekenın atap öttı.
