2027 jylǧy Fransiia prezidentı sailauyna qatysatyn «Renessans» partiiasynyŋ kandidaty, būrynǧy premer-ministr Gabriel Attal «Europa Qūrama Ştattaryn» qūrudy ūsyndy, dep habarlaidy “Adyrna”.
Anadoly deregınşe, Attal 17 qyrküiekte Reims qalasynda ötken sailaualdy şarada Europalyq odaqtyŋ qazırgı 27 memleketten tūratyn formaty öz mümkındıkterınıŋ şegıne jetkenın mälımdedı. Onyŋ pıkırınşe, qazırgı jüie aiasynda europalyq integrasiiany odan ärı tereŋdetu qiyn.
«Menıŋ ūrpaǧymnyŋ basty mındetı — Europa turaly armandy jüzege asyryp, Europanyŋ Qūrama Ştattaryn qūru», — dedı ol.
Saiasatker būl bastama bırtūtas europalyq memleket qūrudy közdemeitının atap öttı. Onyŋ ūsynysyna säikes, bastapqy kezeŋde ekonomikalyq, tehnologiialyq jäne ekologiialyq baǧyttarda yntymaqtastyqty tereŋdetuge daiyn elderden tūratyn «özek» qalyptastyru qarastyrylady.
Attal būl bastamany AQŞ, Qytai jäne basqa da ırı derjavalarmen bäsekelestıkte Europanyŋ pozisiiasyn küşeitu qajettılıgımen bailanystyrdy.
Fransiiadaǧy prezident sailauy 2027 jyly ötedı.
