Qazaqstan qalalaryndaǧy tazalyq, qauıpsızdık jäne jaily qoǧamdyq keŋıstıkter şeteldık qonaqtardyŋ da nazaryn audaryp otyr, dep habarlaidy "Adyrna" ūlttyq portaly.
Alaida Memleket basşysy Qasym-Jomart Toqaev eldı körkeitu jūmystary halyqaralyq imidj üşın emes, eŋ aldymen azamattardyŋ tūrmys sapasyn jaqsartuǧa baǧyttaluy keregın aitty.
Prezident būl turaly Prezident saiabaǧynda ötken ekologiialyq aksiia barysynda mälımdedı.
Qasym-Jomart Toqaevtyŋ aituynşa, tazalyq, tärtıp pen jailylyq halyqtyŋ tūrmys mädenietı men örkeniet deŋgeiın körsetedı. Sondyqtan tabiǧatty qorǧau, özara qūrmet pen belgılengen normalardy saqtau qoǧamnyŋ kündelıktı ömır saltyna ainaluy qajet.
«Taza Qazaqstan» bastamasynyŋ maŋyzyna toqtalǧan Memleket basşysy mūndai jūmystardyŋ el azamattarynyŋ patriottyq sezımın arttyruǧa yqpal etetının atap öttı. Resmi mälımetke säikes, jalpyūlttyq jobaǧa milliondaǧan azamat qatysyp, el aumaǧynda abattandyru jäne tazalyq jūmystary jürgızılıp keledı.
Prezident şeteldık qonaqtardyŋ Qazaqstan qalalarynyŋ tazalyǧyna nazar audaryp jürgenın de aitty.
«Jaqynda Astana men Almatyǧa Amerikanyŋ belgılı kongressmenderı keldı. Olar köşelerdıŋ tazalyǧy men jinaqylyǧyna taŋǧalyp, qalany basqaru deŋgeiı men sapasyna joǧary baǧa berdı. Äleumettık jelılerde ırı qalalarymyzdyŋ kelbetıne täntı bolǧan şeteldık qonaqtar men turisterdıŋ beinejazbalaryn jiı baiqaimyz», – dedı Qasym-Jomart Toqaev.
Memleket basşysy körıktı qoǧamdyq keŋıstıkter, qauıpsızdık pen qolailylyq Qazaqstan turaly şetelde oŋ pıkır qalyptastyruy mümkın ekenın atap öttı. Degenmen negızgı maqsat eldıŋ halyqaralyq imidjın jaqsartu emes, azamattarǧa jaily orta qalyptastyru boluy keregın aitty.
«Bız imidj üşın jūmys ıstemei, azamattarymyzdyŋ äleumettık jaǧdaiyn jaqsartudy oilauymyz kerek. Basty maqsat – osy», – dedı Prezident.
