Prezident Qasym-Jomart Toqaev Astana äkımı Jeŋıs Qasymbekke ǧimarattardyŋ qabyrǧalaryna rūqsatsyz graffiti salatyn adamdarǧa qatysty qataŋ şara qoldanudy tapsyrdy, dep habarlaidy "Adyrna" ūlttyq portaly.
Būl turaly Aqorda habarlady.
Memleket basşysy Qazaqstan qalalarynda qoǧamdyq oryndar men ǧimarattardy büldıruge jol bermeu keregın aitty. Onyŋ sözınşe, mūndai äreket vandalizm men būzaqylyqtyŋ körınısı sanalady.
Prezident graffiti saluǧa tolyq tyiym saluǧa baǧyttalǧan zaŋnamalyq jäne normativtık şaralar qabyldau qajettıgın atap öttı.
Sonymen qatar Qasym-Jomart Toqaev elımızde ondaǧan myŋ şaqyrym avtokölık joly men temırjol salynyp jatqanyn aitty. Memleket basşysy qūrylys sapasy joǧary boluy keregın jetkızdı.
«Qazaqstan ülken qūrylys alaŋy, basqa sözben aitsaq, jasampazdyq mekenı boluy kerek. Qūrylystyŋ sapasy öte joǧary boluy qajet. Men öz basym osy mäselege basa nazar audaryp, būl jūmysty qataŋ baqylauda ūstaimyn. Atalǧan nūsqau men tiıstı erejenı būzatyn adamdar zaŋymyz boiynşa mındettı türde jazaǧa tartylady», – dedı Prezident.
Memleket basşysy atqarylyp jatqan jūmystardyŋ negızgı maqsaty halyqtyŋ tūrmys sapasyn arttyryp, azamattarǧa qolaily jaǧdai jasau ekenın atap öttı.
Prezident Astananyŋ Qazaqstannyŋ ainasy ärı eldıŋ basty qalasy ekenın aitty.
«Qazır elordamyzdy jaŋaşyl, jasampaz azamattardyŋ qūtty mekenı dep aitsaq, qate bolmaidy. Astanamyzdyŋ körkı artyp kele jatyr», – dedı Qasym-Jomart Toqaev.
