Shyǵys Qazaqstan oblysyndaǵy sý qoımalaryn sý basý qaýpi bar. Sol sebepti qurylys jumystary júrgizilip jatyr. Bul týraly OKQ-de ótken baspasóz máslıhatynda Ekologııa jáne tabıǵı resýrstar mınıstrliginiń ókilderi aıtty, dep habarlaıdy “Adyrna” ulttyq portaly.
“Elimizde 10 iri sý qoımasy bar. Búgingi tańda barlyq gıdrotehnıkalyq qurylǵylar, sonyń ishinde sý qoımalary tekseristen ótti. Apattyq jaǵdaıda Shyǵys Qazaqstan oblysyndaǵy eki sý qoımasy tranzıttik rejımge qoıyldy. Ol sý qoımalarynda qurylys jumystary júrgizilip jatyr. Sondyqtan sý tasqynyn apatsyz ótkizý maqsatynda sý jınamaı, tranzıttik rejımge qoıyldy”,- dedi Ekologııa jáne tabıǵı resýrstar vıe-mınıstri Ǵalıdolla Azıdýllın.
Al, sý qoımalaryndaǵy qaýip naýryz aıynda belgili bolady.
“Sý basý qaýpi qazirgi tańda Shyǵys Qazaqstan oblysynda. Biraq qazir naqty aqparat aıtý qıyn. Sebebi negizgi boljam naýryz aıynda aıtylady. Naýryzǵa deıin qazir tekserý jumystary júrgizilip, baqylaýǵa alynyp otyr. Sýdyń kólemine sáıkes sý qoımalarynda bos sý syıymdylyqtary uıymdastyrylady”, - dedi Ǵalıdolla Azıdýllın.
Vıe-mınıstrdiń sózinshe, sınoptıkter naýryz aıynan bastap gıdrologııalyq boljamdy apta saıyn usynady. Gıdrometeojaǵdaılar kúrt ózgergen kezde 2-3 táýlik buryn sý tasqyny qaýpi týyndaýy jaıly daýyldy eskertýler habarlanady.
