Almaty oblysynda jeńil kólik pen júk kóliginiń soqtyǵysýy saldarynan tórt adam qaza tapty, dep habarlaıdy “Adyrna” ulttyq portaly oblystyq polıııa departamentiniń (PD) baspasóz qyzmetine siltep.
«23 naýryz kúni saǵat 13.45 shamasynda «Almaty-Astana» tas jolynyń 35-shi shaqyrymynda aýyr salmaqty DAF kóligi men Daewoo jeńil kóliginiń qatysýymen jol-kólik oqıǵasy oryn aldy. Jol apaty saldarynan úsh adam oqıǵa ornynda kóz jumdy. Sondaı-aq eki zardap shegýshi jaqyn mańdaǵy aýrýhanaǵa jatqyzyldy, olardyń biri esin jımastan kóz jumdy», - delingen senbi kúni taratqan habarlamada.
Habarlamada atap ótilgendeı, qazirgi ýaqytta jol-kólik oqıǵasyna qatysty saraptama taǵaıyndaýmen qatar barlyq qajetti tergeý áreketteri júrgizilýde.
«Mundaı oqıǵalardyń aldyn alý úshin oblys turǵyndary men qonaqtaryn jol qozǵalysy erejelerin qatań saqtaýdy suraımyz», - dep qosty polıeıler.
