Aldaǵy QR parlamenti májilisi men máslıhat depýtattarynyń saılaýynan eski júıeniń klandary da dámeli.
Saılaýdyń ashyq ári ádil ótýiniń bir belgisi proporıonal jáne majorıtarlyq, ıaǵnı aralas saılaý júıesi. Mundaı saılaý júıesi — demokratııalyq memleketterge tán dúnıe.
Saılaý bolǵan soń, saılaýdyń talaptaryna saı keletin kez kelgen QR azamaty ózin usynyp, saılaýǵa túsýge quqyly. Biraq halyq bir nárseni eskerý kerek, «A» dep, aýzyn ashyp, urandatqannyń bári shynaıy ultshyl emes.
Sebebi saılaýǵa ótinim bergenderdiń arasynda burynǵy júıeniń qarjylandyryp otyrǵan klandary men syrtqy kúshterdiń jendetteri bar. Olar úshin eldiń qamy kók tıyn. Olardyń kóksegeni eldiń tutastyǵyna syza túsirý.
Sonymen qatar kandıdattardyń arasynda MǴQ (mordasy ǵana qazaq)- lar da júr.
Óz ana tilin bilmeıtin adamdardy, óz ultyn jeksiz súıedi dep aıtý qıyn. Sebebi óz ultyn súıse, óz tilin de sheksiz súıetin edi. Sondyqtan olardy máslıhat pen májiliste birdeme tyndyratynyna senbeımin.
Sol sebepti álemjeliden arbaıtyndardy halyq aıyra bilý kerek. Otyryp alyp, eldi jamandaıtyndardyń bári shynaıy ultqa, tilge jany ashıtyndar emes. Sol otyrǵandardyń ishinde biraýyz qazaqsha bilmeıtinderi jetip jatyr.
Aldaǵy saılaýda qarynnyń qamyn emes, EL-diń qamyn oılaıtyndar saılansa eken degen tilek bildiremin. Alla, tilegimdi qabyl ete gór.
Talǵat Janysbaı
