Bıyl halyqty gazdandyrý úlesin 60% - ǵa deıin jetkizý josparlanǵan. Bul týraly Energetıka mınıstri Bolat Aqsholaqov vedomstvonyń keńeıtilgen alqa májilisinde aıtty, dep habarlaıdy “Adyrna” ulttyq portaly.
Energetıka mınıstri Bolat Aqsholaqov gaz tasymaldaý júıesiniń odan ári damýyn aıqyndaıtyn gazdandyrýdyń 2022 – 2030 jyldarǵa arnalǵan bas shemasy ózektilendirilgenin aıtty.
“2023 jyly bıýdjettik ınvestıııalardyń jalpy somasy 74 mlrd teńgege 86 jobany iske asyra otyryp, halyqty gazdandyrý úlesin 60% - ǵa deıin jetkizý josparlanýda. Bul 56 aýyldyq eldi mekendegi 167 myń azamatty gazben qamtamasyz etýge múmkindik beredi. Nátıjesinde respýblıkanyń 11 mln-nan asa azamaty gazǵa qol jetkize alady”, - dedi Bolat Aqsholaqov.
Mınıstrdiń sózinshe, Qazaqstannyń soltústik jáne shyǵys óńirlerin gazdandyrýǵa qatysty josparlar pysyqtalyp jatyr.
"Saryarqa" magıstraldyq gaz qubyrynyń 2 jáne 3-kezeńderin salý jáne Reseımen Pavlodar qalasyna tarmaqtalǵan "Barnaýl-Rýbovsk-Semeı-Óskemen" magıstraldyq gaz qubyryn salý boıynsha kelissózder júrgizilip jatyr. Sondaı-aq Óskemenge tarmaqtalatyn "Omby-Pavlodar-Semeı" gaz qubyryn salý múmkindigi qarastyrylýda. Bul rette gazdyń resýrstyq bazasy jáne ımporttyq gazdyń quny máselesi tejeýshi faktor bolyp tabylady”, - dedi mınıstr.
