Qazaqstan men Katar bilıgı äskeri kelısımge qol qoiudy josparlap otyr, dep habarlaidy "Adyrna" tılşısı.
Qazaqstan men Katar äskeri yntymaqtastyq turaly kelısımge qol qoimaq. Ükımet qaulysynyŋ jobasynda:
"Ükımet pen Katar memleketınıŋ ükımetı arasyndaǧy äskeri yntymaqtastyq turaly kelısımnıŋ jobasy maqūldansyn", – delıngen.
2022 jyly 12-13 qazanda Katar ämırı şeih Tamim ben Hamad Äl Tani Qazaqstanǧa resmi ıs-saparmen kelgen bolatyn. QR Prezidentı Qasym-Jomart Toqaevtyŋ tapsyrmasy boiynşa kelısım jüzege asyrylady.
Kelısım şeŋberınde bırneşe şaralardy ıske asyru josparlanuda:
- Äskeri bılım beru jäne äskeri qyzmetşılerdı daiarlau;
- Äskeri medisina;
- Äskeri ǧylym;
- Äskeri saladaǧy mädeni jäne sporttyq ıs-şaralar;
- Beibıtşılıktı qoldau jönındegı operasiialarǧa bailanysty mäseleler boiynşa konsultasiialar;
- Jauyngerlık daiarlyq;
- Taraptar özara kelısken yntymaqtastyqtyŋ özge de salalary.
Ūqsas jaŋalyqtar
