Qazaqstandaǧy futbol jäne hokkei klubtaryna bölıngen qarjy tiımsız paidalanylǧan, dep habarlaidy “Adyrna” ūlttyq portaly.
Soŋǧy alty jylda qazaqstandyq 18 futbol klubyna memlekettık biudjetten 200 milliardtan astam qarajat bölıngen. Būl turaly Qazaqstan Respublikasynyŋ Sybailas jemqorlyqqa qarsy ıs-qimyl agenttıgı mälımdedı.
Agenttık töraǧasynyŋ orynbasary Ūlan Sarqūlov mäjılıs kuluarynda sportqa bölıngen qarajattyŋ basym bölıgı şeteldık legionerlerdıŋ jalaqylaryna jäne tiımsız şyǧyndarǧa jūmsalǧanyn aitty.
“200 milliard teŋgeden asa qarjynyŋ negızgı bölıgı şeteldık sportşylarǧa jalaqy töleuge ketıp, sporttyq infraqūrylymdy damytuǧa köŋıl bölınbegen. Soŋǧy alty jylda bar bolǧany ekı jaŋa stadion salyndy, al köp klubtardyŋ infraqūrylymy mülde naşar jaǧdaida”, – dedı Sarqūlov.
Atap aitqanda, “Astana” futbol klubyna 50 milliard teŋge bölıngenımen, klubtyŋ jeke bazasy joq. Sonymen qatar, qarjynyŋ 60-70%-y bırneşe mausym ǧana oinaǧan legionerlerdıŋ jalaqysyna ketkenı belgılı boldy.
Osyǧan ūqsas jaǧdai “Barys” hokkei klubynda da baiqalǧan. Alty jyl ışınde klubqa şamamen 49 milliard teŋge bölıngen, onyŋ köp bölıgı şeteldık oiynşylardyŋ jalaqysyna jūmsalǧan. Alaida klubtyŋ soŋǧy jyldardaǧy nätijelerı bölıngen qarjyǧa säikes kelmeidı.
“Būl qarajatty sporttyq infraqūrylymdy jaqsartuǧa nemese balalar men jastar sportyn damytuǧa jūmsaǧan äldeqaida tiımdı bolar edı. Bolaşaqta käsıbi sportşylar däl osy jas ūrpaq arasynan şyǧatyny belgılı”, – dep tolyqtyrdy Sarqūlov.
Sonymen bırge, agenttık Mädeniet jäne sport ministrlıgıne sportqa bölınetın qarajatty ūtymdy paidalanu boiynşa ūsynystar bergenın habarlady.
Ūqsas jaŋalyqtar
