"Qazaqtardyń bizge degen qarym-qatynasy - nashar" - Qaraǵandy oblysy turǵyny

2505
Adyrna.kz Telegram

Áleýmettik jelide Qaraǵandy oblysy, Saryshaǵan mańaıyndaǵy Prıozersk qalasynyń turǵyndarynyń ekeýara áńgime-cuhbaty jarııalandy. Suhbat bergen qala turǵyny qazaqtardyń qonys tigip, bul mekende irge keńeıtip jatqanyn unata qoımaıtynyn aıtady. Óz oıyn ashyq bildirip, qazaqtardyń ózderine degen qarym-qatynasynyń buzylǵanyn aıyptaıdy. Bul jaıly "Adyrna" ulttyq portaly jazdy. 

- Buryndary jap-jaqsy turatyn edik. Turǵyndar da bizdiń ulttan edi. Qalany ashyp edi, qazaqtar qaptady. Turmysymyz kúrt qıyndady. Sizderdiń taraptaryńyzdan bizdiń tarapqa degen qarym-qatynas nasharlady... Qazaqtar orystarǵa jyly qabaq tanytpaıdy. Biz az qaldyq. Olar dóreki, bir nárse surasań, bálege qalasyń, sypaıylyqtan jurdaı, - dedi turǵyn.

Sonymen qatar, suhbat berýshi Reseıge baryp, onda turǵa almaı, qaıtyp kelgenin jasyrmady. Onyń basty kózdegeni - Qazaqstan zeınetaqysy. Qazaqty jaqtyrmaıtyn Qazaq eliniń azamaty, "basty keıipker" qazaq jerinde alańsyz ómiriniń sońyna deıin tirlik keshýdi murat etip otyr.

Oqyrmandar keıipkerdi synnyń astyna aldy. Onyń "esikten kirip, tór meniki" degen áreketine qatysty:

"Internaıonalıst bolý kerek deıdi. Olardyń túsinigide ınternaıonalıst tek oryssha sóıleý kerek. Qazaqsha sóılese naıst bolyp esepteledi";

"Buryn bular ózderi ıemdenip jurdi, jabyq zona boldy, qazaqqa jol joqtyn óz jerine. Semirip alyp aıtyp turǵanyn qarashy mynanyń endi. Ketsin rashasyna";

"Qazaqsha úırenip, qazaqtardy syılap júrseń eshkim saǵan tıispeıdi ǵoı, ońbaǵan-aý...";

"Prıozersk tastandy qala, júregiń aýyrady. 90 jyldardyń jaǵdaıy esińe túsedi" dep jazdy jeli qoldanýshylary.

 

"Adyrna" ulttyq portaly 

Pikirler