Amerıkalyq óndirýshiler Qytaıdyń soǵys saıasaty jaıly pikir bildirdi. Olar Qytaıǵa AQSh-tan tasymaldanatyn taýardy elep-ekshep, túbegeıli tekserý múmkin emestigin aıtyp otyr. Tyıym salynyp, shekteý qoıylǵan quraldardyń ózi Qytaı asyp ketken. Solardyń birinen (chıpterden) qazir olar atom qarýyn jasap jatyr, dep jazdy "Adyrna" ulttyq portaly "The Wall Street Journal" basylymyna silteme kórsete otyryp.
Iadrolyq qarý boıynsha zertteýler júrgizetin Qytaı ınstıtýty ózderine salynǵan sankııa qamytyna qaramastan birneshe jyl boıy Amerıkanyń óndirgen kompıýterlik chıpterin satyp alyp kelgen.
Basylymnyń habarlaýynsha, ıadrolyq qarý ázirleıtin Qytaı ınjenerlik fızıka akademııasyna 1997 jyly sankııa salynǵan. Degenmen kisenge túsken kompanııa 2020 jylǵa deıin "Intel" jáne "Nvidia" kompanııalarynyń jartylaı ótkizgish chıpterin emin-erkin alyp otyrǵan.
Qytaılyqtarǵa chıpterdi eldegi deldaldardan jetkizedi. Basylym betterinde:
- Bul jerdegi áńgime 7-den 14 nanometrge deıingi chıpter týraly bolyp otyr. Qytaı muny óz kúshimen jappaı óndire almaıdy. Alaıda, bul chıpter tutyný naryǵynda keńinen qoljetimdi jáne qytaı bazarlarynda erkin satylady, - dep jazyldy.
Sonymen qatar:
"Mundaı ónimderdi jappaı satýǵa toqtaý salý ózge derjavalardyń atom qarýyn jasaýyna jol bermeýge baǵyttalǵan", – dep atap ótti basylym.
Nvidia kompanııasy kompıýterge arnalǵan grafıkalyq chıpteriniń kúlli álemge jappaı satylyp jatqanyn moıyndady. Onyń árbirin jeke baqylap, qaıda ketip jatqanyn qalt jibermeı baqylap otyrýdyń múmkin emes ekendigin eskertti.
Avtor óz maqalasynda muny Baıdenniń saıasatymen baılanystyrady.
"Baıden Qytaı Qarýly Kúshteriniń amerıkandyq tehnologııalardy qoldanýyna qarsy agressıvti birbetkeılik tanytýǵa tyrysady", – deıdi materıal avtorlary.
"Adyrna" ulttyq portaly
