Eýropanyń 11 eliniń prezıdentteri Reseıden Ýkraınadaǵy azamattyq nysandarǵa shabýyl jasaýdy dereý toqtatýdy talap etti. Bul týraly Polsha prezıdentiniń resmı saıty málimdedi, dep habarlaıdy “Adyrna” ulttyq portaly.
Bolgarııa, Chehııa, Estonııa, Vengrııa, Latvııa, Lıtva, Polsha, Rýmynııa jáne Slovakııa, sondaı-aq Soltústik Makedonııa men Chernogorııa kiretin "Býharest toǵyzdyǵy" elderi Reseıdiń Ýkraınaǵa jasaǵan jappaı zymyrandyq shabýyldaryn aıyptady. Birlesken málimdemede olar Máskeýden azamattyq nysandarǵa shabýyl jasaýdy dereý toqtatýdy talap etti.
"Biz óz memleketterimizdiń atynan Reseıden azamattyq nysandarǵa shabýyl jasaýyn dereý toqtatýdy talap etemiz. Biz jasalyp jatqan qylmystarǵa kinálilerdi jaýapqa tartý áreketin toqtatpaımyz", - delingen qujatta.
Odan bólek, halyqaralyq quqyq mundaı shabýyldardy áskerı qylmys dep sanaıtynyn túsindirdi.
"Soǵys qylmystary men adamzatqa qarsy qylmystardyń eskirý merzimi joq jáne ol búkil álem boıynsha sottardyń ıýrısdıkııasyna jatatynyn eske salamyz", - delingen habarlamada.
Memleket basshylary Reseı ókilderiniń ıadrolyq qarýdy qoldaný qaýpin qabyldaýǵa bolmaıtynyn atap ótti.
"Osy turǵyda biz óz elderimiz ben odaqtastarymyzdy qorǵaýǵa degen adaldyǵymyzdy rastaımyz", - delingen qujatta.
