Aqtöbedegı «Tau» demalys bazasynyŋ aumaǧynda oqys oqiǧa boldy. Būl turaly Oblystyq PD baspasöz qyzmetı mälımdedı, dep habarlaidy “Adyrna” ūlttyq portaly.
Aqparat boiynşa, 2007 jyly tuǧan aqtöbelık qarda jüretın Lynx avtokölıgın jürgızıp kele jatyp, jabdyqtalǧan qar syrǧymasynyŋ janynda tūrǧan bır top adamdy qaǧyp kettı. Oqiǧa saldarynan 40 jastaǧy adam köz jūmdy.
Kölık qaqqandardyŋ kışkentaiy bır jarym jasta. Ol auruhanada em alyp jatyr. Sonymen bırge 5, 16, 17 jastaǧy japa şeguşıler därıgerlerdıŋ baqylauyna alyndy. Därıgerler balalar auruhanasyna tüsken nauqastardyŋ jaǧdaiy turaly habarlady.
«16 jastaǧy qyz jabyq mi jaraqatyn aldy. Oŋ jaq jambasy zaqymdanǧan. Oŋ jaq ökpesınen qatty soqqy alǧan. Qazırgı kezde jaǧdaiy auyr. Nauqas esın bıledı. Auyrsynudy basatyn därını qosymşa qabyldap jatyr. Taǧy bır 16 jastaǧy qyzdyŋ miy şaiqaldy. Mi jaraqatyn aldy. Esın bıledı, jaǧdaiy ortaşa auyr. Al 1,5 jasar ūl balanyŋ jaǧdaiy ortaşa auyr. Onyŋ da miy şaiqalǧan. Tynys aluy qalypty. 5 jasar er balanyŋ basy jaralanǧan. Jaǧdaiy ortaşa auyr. Al 17 jastaǧy bozbala qabyldau bölımınde em aldy. Onyŋ jaǧdaiy tūraqty»,- dep habarlady oblystyq densaulyq saqtau basqarmasynyŋ basşysy Rüstem İsaev.Al auruhanaǧa jetkızılgen 49 jastaǧy er adam turaly mälımet äzırge joq.
Ūqsas jaŋalyqtar
