Aqtöbe oblysynda mektepte tuyndaǧan janjaldan keiın 9-synyp oquşysy köz jūmdy. Auyl mektebınıŋ 18 oquşysynan jauap alynyp, 2 adam küdıktı retınde qamaldy, dep habarlaidy "Adyrna" ūlttyq portaly.
Polisiia departamentınıŋ deregınşe, jasöspırımder arasyndaǧy töbeles 2 qyrküiek künı tünde Aqtöbe oblysy, Temır audany, Qopa auylynda tırkeldı.
Töbeles saldarynan jan tapsyrǧan oquşy qazan aiynda 15 jasqa tolatyn edı. Marqūmnyŋ tuystary äzırge eşqandai pıkır bıldıre almaitynyn, tergeu amaldarynyŋ nätijesın kütetının aitty. Temır audany äkımdıgınıŋ aituynşa, janjaldyŋ neden şyqqany äzırge belgısız. Oqiǧadan keiın 18 bala audandyq polisiia bölımıne jetkızıldı.
“Jasöspırımder arasynda bır-bırımen kelıspeuşılık boldy. Män-jai tergeu kezınde anyqtalady. Keşe ata-analarymen bırge 18 balany mektep avtobusymen audandyq polisiia bölımşesıne alyp keldık. Qazır ärqaisysynan jauap alyp jatyr. Qalai bolǧany äzırge belgısız. Ol jerdıŋ balalarynyŋ bärı tatu, aldyŋǧy qatardaǧy auyl edı. Balalardyŋ bärı sportqa jaqyn, voleibol, futbol, tennis oiyndaryna belsene qatysatyn”, – dedı Temır audany äkımınıŋ orynbasary Qairat Nūraly.
Aqtöbe oblystyq bılım basqarmasy oqys oqiǧadan keiın zerdeleu jūmystarynyŋ küşeigenın habarlaidy.
“Temır audany, Qopa auylynda kämeletke tolmaǧan oquşylar arasynda töbeles bolyp, 9-synyp oquşysy oqiǧa ornynda köz jūmdy. Oqys oqiǧa boiynşa Qopa auylyna bılım basqarmasy basşysynyŋ orynbasary jetekşılıgımen jūmys toby jetıp, zertteu jūmysyn jürgızıp jatyr. Jūmys tobynyŋ qūramynda Aqtöbe oblysy boiynşa bala qūqyqtary jönındegı uäkıl de bar. Sondai-aq atalǧan mäselege qatysty qylmystyq ıs qozǧalyp, tergeu amaldary bastaldy”, – dep habarlaidy bılım basqarmasy.
Aqtöbe oblystyq PD oqiǧadan keiın qylmystyq ıs qozǧalǧanyn jäne ekı küdıktı qamauǧa alynǧanyn jetkızdı.
“Kämeletke tolmaǧan balanyŋ qaitys bolu faktısı boiynşa Temır audany polisiia bölımımen qylmystyq ıs qozǧaldy. Janjaldyŋ barlyq qatysuşysy anyqtalyp, polisiiaǧa jetkızıldı. Ekı küdıktı ūstaldy. Tergeu äreketterı jürgızıldı. Özge aqparat tergeu müddesı üşın jariialanbaidy”, – dedı oblystyq polisiia departamentınıŋ baspasöz qyzmetı.
Ūqsas jaŋalyqtar
