Ábilqasymova járdemaqyǵa taǵy da "Ana dańqy" ordenin alyp, "Batyr ana" atanǵan áıelder de ıe bola alatynyn aıtty.
"Búginde elimizde bul qurmet belgisine ıe 237 myń ana bar. Bul - aı saıyn berilip otyratyn arnaıy analar járdemaqysy. Basty ereksheligi - ol ómir boıyna berilip turady. Iaǵnı, tipti zeınettik jasqa jetip, ne bolmasa balalardyń 18 jastan asyp ketse de aı saıyn tólem jasalynyp turady" , - dedi Madına Ábilqasymova.
Eńbek jáne áleýmetik qorǵaý mınıstriniń málimdeýinshe, 2018 jyly Qazaqstanda 237 myń kópbalaly ana 42 mlrd teńge kólemindegi járdemaqyny aldy.
R.S. Memlekettiń beretin tıyn-tebenin óz halqynan buldaıtyn mınıstrlerge tań qalamyn. Mektep jasyndaǵy bala túgili, emshektegi balaǵa aı saıyn qansha aqsha ketetinin mınıstr hanym bile ma eken? Bıýdjetten alǵan aqshadan 2-3 ese kóp ketpese az ketpeıdi. Bizdiń mınıstrler men depýtattardyń kókten túskendeı bolatyny nesi eken? Álde, ádeıi isteı me?
"Adyrna" ulttyq portaly
