Aqmola oblysy Krasnyi Iаr auylynda özıne qol salǧandar bölek jerlenedı, dep habarlaidy “Adyrna” ūlttyq portaly Euraziia arnasyna sılteme jasap.
Aqmola oblysy Krasnyi Iаr auylynyŋ maŋynda tek özıne qol salǧandar jerlenetın zirat bar. Syrttai qaraǧanda basqa zirattardan eş aiyrmaşylyǧy bolmasa da, 2008 jyldan bastap būl jerge özıne qol salǧandar jalpy mazardan bölek jerlenıp keledı. Qazır mūndaǧy molalar sany 15-ke jetken. İmamdar jergılıktı aqsaqaldarmen aqyldasa kele osyndai şeşımge kelıptı.
“Bır äke-şeşe özınıŋ ūl-qyzy özderıne qarsy şyǧyp, özderıne qol jūmsaimyz dep qorqytqan kezde osy jerdı körsetıptı, ūl-qyzy qatelıkterın tüsınıp keşırım sūrapty. Äke şeşesı bızge keiın otbasymyzǧa osyndai ülken tärbie boldy dep alǧystaryn aityp jatty”, – deidı Krasnyi Iаr auyly meşıtınıŋ bas imamy Nauan Mūtalov.
Būl mäsele parlament qabyrǧasynda da jiı köterıledı. Bırneşe ai būryn mäjılıs deputaty Erlan Smailov Qazaqstanda jyl saiyn 4000 myŋǧa juyq adam suisid jasap baqilyq bolatynyn mälımdegen bolatyn.
“Elımız suisid eŋ köp jasalatyn 20 memlekettıŋ ışıne kıredı. Qazaqstanda kün saiyn 8-11 adam özıne qol jūmsap köz jūmady. Täulıgıne 9-dan 16-ǧa deiın kısı suisid jasauǧa talpynady. Būl degen sūmdyq adam şyǧyny”, – dedı deputat Erlan Smailov.
Sonymen qatar, dın qyzmetkerlerınıŋ aituynşa, suisid jasaǧandardy bölek jerleu özgelerge eskertu ıspettı.
