Memleket basşysy Qasym-Jomart Toqaevtyŋ Qyzylorda oblysyna sapary Syrdariia audany Naǧi Iliiasov auylynyŋ tynys-tırşılıgımen tanysudan bastaldy, dep habarlaidy «Adyrna» ūlttyq portaly Aqordanyŋ resmi saityna sılteme jasap.
Qazaqstannyŋ Eŋbek Erı, «Abzal jäne K» tolyq serıktestıgınıŋ negızın qalauşy Abzal Eraliev Prezidentke käsıporynnyŋ tabysty qyzmet etıp, öŋır boiynşa auyl şaruaşylyǧy salasyndaǧy jetekşı mekemege ainalǧanyn jetkızdı. Sonymen qatar önımdı eŋbektıŋ arqasynda tuǧan ölkenıŋ damuyna tūraqty qoldau körsetıp kele jatqanyn aitty.
Prezident «Abzal jäne K» şaruaşylyǧynyŋ demeuşılıgımen salynǧan auyldyŋ ortalyq alaŋyn, sport keşenın aralap kördı. Sport keşenınde jergılıktı halyq futbol, voleibol, üstel tennisı jäne küres türlerımen emın-erkın şūǧyldana alady. Memleket basşysy sport keşenınde jetkınşektermen äŋgımelestı.
– Sportpen şūǧyldanu kerek. Äsırese, özderıŋız siiaqty jastarymyzdyŋ denı sau, myqty azamat bolyp ösuı qajet. Sebebı Qazaqstannyŋ bolaşaǧy – sızderdıŋ qoldaryŋyzda. Jastardyŋ denı sau bolsa, memleket te quatty bolady. Syr elınen myqty sportşylar şyqqan. Älı de köptegen chempiondar şyǧady dep senemın, – dedı Qasym-Jomart Toqaev.
«Adyrna» ūlttyq portaly
Ūqsas jaŋalyqtar
