«AMANAT» partııasynyń depýtattary Ekibastuzdyń turǵyndarymen kezdesti

2547
Adyrna.kz Telegram

Májilis depýtattary, «AMANAT» partııasy frakııasynyń músheleri jaǵdaımen tanysý jáne halyqqa jedel kómek kórsetý úshin Ekibastuz qalasyna keldi. Halyq qalaýlylary úı-úıdi aralap, jylytqyshtar men jyly kıim-keshek tabystady.

Depýtattar arnaıy qurylǵan jedel shtabta tótenshe jaǵdaıdyń jaı-japsaryn talqylady. Oǵan oblys basshylyǵynyń, barlyq tehnıkalyq qyzmettiń, energetıkalyq kásiporyndardyń jáne Energetıka mınıstrliginiń ókilderi qatysty.

Májilis depýtaty Artýr Platonov búginde gýmanıtarlyq kómekti jetkizý jumysy belsendi júrip jatqanyn atap ótti.

«AMANAT» partııasy turǵyndarǵa kómek kórsetý isine belsendi atsalysyp jatyr. Mobıldi brıgadalardyń quramyndaǵy qoǵam belsendileri úı-úıdi aralap júr. Jalǵyz turyp jatqan zeınetkerler, erekshe qajettiligi bar azamattar, muqtaj otbasylar týraly aqparat jınalýda», – dedi ol.

Osy kúni depýtattar qala turǵyndary úshin jylytý pýnkti ornalasqan №36 mektepke bardy. Qalada dál osyndaı 12 pýnkt ashyldy. Sonda-aq, halyq qalaýlylary Ekibastuzdaǵy qalalyq aýrýhanaǵa bardy. Qazirgi ýaqytta munda 240 emdelýshi bar.

«Terapııa jáne pedıatrııa bólimsheleriniń jumysymen tanystym. Aýrýhana shtattyq rejımde jumys istep jatyr. Josparly jáne jedel jetkizilgen emdelýshilerdi qabyldaıdy», – dedi Májilis depýtaty Aıgúl Nurkına.

Májilis depýtaty Erlan Saırov kináli adamdardy jaýapqa tartý máselesi týraly oıyn bildirdi.

«Elimizdiń energetıkalyq aktıvterine aýdıt júrgizý qajet. Osy ıgilikterdi ádiletsiz ıelenip, túsken qarjyny jańǵyrtýǵa emes, óz qaltasyna salǵan azamattar zań aldynda jaýapkershilikke tartylýy qajet», – dep atap ótti Erlan Saırov.

Májilis depýtaty Vera Kım Ekibastuzda azamattarǵa kómek kórsetý úshin «AMANAT» partııasynyń «Jastar Rýhy» jastar qanatynyń volonterler shtaby jumys istep jatqanyn jetkizdi.

Ekibastuzda apattyq-qalpyna keltirý jumysy jalǵasyp jatyr.

"Adyrna" ulttyq portaly

Pikirler