15 qyrkúıek túngi saǵat ekide Almaty-Óskemen tas jolynda jantúrshigerlik jol apaty boldy. Chevrolet Cobalt bar jyldamdyǵymen aqyly termınaldyń beton qorshaýyna, sodan keıin jaqyn mańdaǵy kólikke soǵyldy, dep habarlaıdy “Adyrna” ulttyq portaly.
Málimet boıynsha, Almaty-Óskemen avtojolynyń 25-shi kılometrinde bolǵan jol-kólik oqıǵasynda Chevrolet Cobalt avtokóliginiń júrgizýshisi qaza tapty.
Almaty oblysy PD-niń málimetinshe, Chevrolet Cobalt júrgizýshisi trassa boıymen kele jatyp, basqarýdy joǵaltyp, qarsy jolaqqa shyǵyp, beton qorshaýǵa soǵylyp, keıin Hyundai Sonata-men soqtyǵysqan.
"Jol apaty faktisi boıynsha qylmystyq is qozǵaldy. Boljam boıynsha, Chevrolet Cobalt kóliginiń júrgizýshisi rólge ıe bola almaǵan. Tergeý sharalary júrgizilip jatyr", - dedi Almaty oblysy polıııa departamentiniń baspasóz qyzmeti.
Oqıǵa ornynan vıdeo áleýmettik jelilerde paıda boldy.
