15 qyrküiek tüngı saǧat ekıde Almaty-Öskemen tas jolynda jantürşıgerlık jol apaty boldy. Chevrolet Cobalt bar jyldamdyǧymen aqyly terminaldyŋ beton qorşauyna, sodan keiın jaqyn maŋdaǧy kölıkke soǧyldy, dep habarlaidy “Adyrna” ūlttyq portaly.
Mälımet boiynşa, Almaty-Öskemen avtojolynyŋ 25-şı kilometrınde bolǧan jol-kölık oqiǧasynda Chevrolet Cobalt avtokölıgınıŋ jürgızuşısı qaza tapty.
Almaty oblysy PD-nıŋ mälımetınşe, Chevrolet Cobalt jürgızuşısı trassa boiymen kele jatyp, basqarudy joǧaltyp, qarsy jolaqqa şyǧyp, beton qorşauǧa soǧylyp, keiın Hyundai Sonata-men soqtyǧysqan.
"Jol apaty faktısı boiynşa qylmystyq ıs qozǧaldy. Boljam boiynşa, Chevrolet Cobalt kölıgınıŋ jürgızuşısı rölge ie bola almaǧan. Tergeu şaralary jürgızılıp jatyr", - dedı Almaty oblysy polisiia departamentınıŋ baspasöz qyzmetı.
Oqiǧa ornynan video äleumettık jelılerde paida boldy.
