بۇگىن اقتوبە وبلىسىنىڭ ىرعىز اۋدانىنان 20 كم جەردەگى «سامارا-شىمكەنت» تاس جولىنىڭ 1153-شاقىرىمىندا اۋا رايىنىڭ قولايسىزدىعىنا بايلانىستى جولاۋشىلار اۆتوبۋسى جۇرمەي قالىپ، 41 ادام قۇتقارىلدى. بۇل تۋرالى توتەنشە جاعدايلار مينيسترىلىگى مالىمدەدى, دەپ حابارلايدى “ادىرنا” ۇلتتىق پورتالى.
بوراننىڭ كەسىرىنەن اۆتوبۋس جۇرمەگەن سوڭ قازاقستاننىڭ ءۇش ازاماتى مەن وزبەكستان رەسپۋبليكاسىنىڭ 38 ازاماتى ىرعىز اۋىلىنداعى ورتا مەكتەپكە ورنالاستىرىلدى. قازىر ولاردىڭ جاعدايى قالىپشا.
سونداي-اق بۇگىن تۇركىستان وبلىسىنىڭ ايتەكە بي اۋدانىندا «سامارا-شىمكەنت» تاس جولىنىڭ 968-شاقىرىمىندا تاعى ءبىر جولاۋشىلار اۆتوبۋسىنان ادامدار قۇتقارىلدى. اۆتوبۋس قارابۇتاق كەنتىنەن 2 كم جەردە تۇرىپ، اۋا رايىنىڭ قولايسىزدىعىنان ءارى قاراي جۇرمەي قالعان. اۆتوبۋستا وزبەكستان رەسپۋبليكاسىنىڭ 31 ازاماتى بولعان. ولار قارابۇتاق اۋىلىنىڭ مەشىتىنە ورنالاستىرىلدى.
توتەنشە جاعدايلار مينيسترلىگى مەن وبلىستىق دەپارتامەنتتەر كۇنى بۇگىنگە دەيىن ازاماتتارعا ايازدى كۇنى بوراندا جولعا شىقپاۋدى ەسكەرتىپ كەلەدى.
