Shahtadaǵy apattan qaza tapqandardyń otbasyna qansha qarajat beriletini belgili boldy, dep habarlaıdy “Adyrna” tilshisi.
Qaıtys bolǵandardyń otbasyna beriletin qarjy týraly eńbek jáne halyqty áleýmettik qorǵaý mınıstri Svetlana Jaqypova aıtyp berdi.
Mınıstrdiń aıtýynsha, qaza tapqan azamattardyń otbasylaryna asyraýshysynan aırylýyna baılanysty járdemaqy taǵaıyndalatyn bolady.
Járdemaqy respýblıkalyq bıýdjetten, áleýmettik saqtandyrý qorynan, ómirdi saqtandyrý kompanııasynan tólenbek.
Asyraýshysynan aıyrylǵan otbasyndaǵy balalarǵa 18 jasqa deıin aı saıyn 400-500 myń teńgeden bastap berilip otyratynyn aıtty Svetlana Jaqypova.
Al balalar joǵary oqý oryndarynda bilim alyp jatqan bolsa, onda 23 jasqa deıin tólenedi.
“Ázirshe barlyq tólemdi óteý «ArselorMıttal Temirtaý» kompanııasyna júkteledi. Kásiporyn ujymdyq shartqa sáıkes jyldyq tólem táýekelderin tóleýge mindettelip otyr. «ArselorMıttal Temirtaý» kompanııasy jerleý rásimderine baılanysty barlyq shyǵyndy, sondaı-aq balalardy joǵary oqý oryndarynda oqytýdy óz moınyna alýǵa tıis", – dedi mınıstr.
Apattan qaıtys bolǵandardyń sany 43-ke jetti. Taǵy 3 kenshini izdeý jumystary júrýde.
