Būl turaly partiia töraǧasy Aibek Dädebai Şymkent qalasynda ötken «Ädılettı bolaşaq üşın» sailaualdy baǧdarlamasynyŋ «Zaŋ jäne tärtıp» baǧytynyŋ tanystyrylymynda mälımdedı.
Onyŋ aituynşa, soŋǧy uaqytta qoǧamda halqymyzdyŋ mädenietı men dästürıne jat ūstanymdardy taŋuǧa baǧyttalǧan äreketter qaita baiqala bastady.
«Osy tūsta Ädılet partiiasynyŋ ūstanymyn bıldıremın: Qazaqstan – zaiyrly memleket. Bız jaŋa Konstitusiiany qabyldadyq. Būdan bylai ony memleket te, qoǧam da qorǧauy jäne qūrmetteuı de tiıs. Jaŋa Konstitusiiamyzda «Zaŋ men tärtıp» qaǧidaty naqty bekıtılgen. Eşqandai dıni dogma Konstitusiia men elımızdıŋ zaŋnamasynan joǧary tūra almaidy. Bız kemsıtuşılıkke, qoǧamnyŋ jıkteluıne jäne jastar sanasyn ulauǧa äkeletın arhaikalyq jäne radikaldy tüsındırmelerdı qoǧamǧa taŋuǧa jol bermeimız. Memleket dästürlı otbasylyq qūndylyqtardy, äielderdıŋ qadır-qasietın jäne mädeniet erkındıgın däiektı türde qorǧauy tiıs. Būl – ömırde de, internettegı posttarǧa da bırdei qatysty. Jaŋa Konstitusiianyŋ talaptaryn būzuǧa eşkımnıŋ qūqyǧy joq. Konstitusiialyq normalar men qoǧamdyq tärtıptı būzuǧa baǧyttalǧan kez kelgen äreketter bırden tiıstı qūqyqtyq baǧasyn aluy tiıs. «Zaŋ men tärtıp» qaǧidaty barşaǧa bırdei jäne būltartpai saqtaluy kerek», – dedı öz sözınde.
Daiyndaǧan:
«Ädılet» partiiasynyŋ baspasöz qyzmetı.
«Ädılet» partiiasy» QB sailau qorynyŋ qarajaty esebınen tölendı.
Tapsyrys beruşı: N.T. Myŋjasarov.
