Ýkraına úshin soǵysyp júrgen Jasulan Dúısembınge azamattyq berý týraly Vladımır Zelenskııdiń atyna onlaın petıııa jarııalandy, dep jazady "Adyrna" ulttyq portaly.
"Ýkraına qarýly kúshteriniń quramynda Ýkraınany qorǵap júrgen qazaq Jasulan Dúısembınge azamattyq berýińizdi suraımyn. Ol qolyna qarý alyp, bizdiń elimizdi shabýylǵa deıin de qorǵady. Jasulan 2015 jyldan beri Ýkraınada turady. Ýkraınalyq áıeli jáne bizdiń memleket aýmaǵynda týǵan eki balasy bar. Azamattyǵy joq bolsa da, ol 2021 jyldyń kúzinde maıdanǵa attandy. Talaı shaıqastardy bastan ótkerdi. Novotroık, Býgas, Volnovaha, Vladımırovka úshin basyn báıgege tigip, shaıqasty. Osy ýaqyt aralyǵynda talaı batyrlar qaza taýyp, Jasulan jaralanyp, emdelgennen keıin qaıtadan maıdanǵa oralady. III dárejeli «Erligi úshin» ordenimen marapattalǵan. Jasulan Ýkraına azamattyǵyn alǵysy keledi, Qazaqstanda ol jaldamaly, saıası sebeptermen qýǵynǵa ushyraıdy. Donbasstaǵy shaıqastardyń birinde onyń tólqujaty órtenip ketken, Memlekettik kóshi-qon qyzmeti oǵan Ýkraına azamattyǵyn berýden bas tartyp otyr", - dep jazdy petıııa avtory, ýkraın jýrnalısi Sergeı Peıchev.
"Adyrna" ulttyq portaly
