Bügın Şymkent qalasynda Qazaqstan halqy Assambleiasy men Şymkent qalalyq özbek etnomädeni qoǧamdyq bırlestıgınıŋ ūiymdastyruymen Qazaqstan halqy Assambleiasynyŋ 30 jyldyǧyna arnalǧan erekşe formattaǧy halyqaralyq mädeni ıs-şara «Dostyq dastarhany» festivalı öttı. Ūlttar men ūlystardyŋ tatulyǧy men ruhani kelısımın paş etken aituly mereke el bırlıgınıŋ jarqyn körınısıne ainaldy.
Merekelık ıs-şaraǧa Qazaqstan halqy Assambleiasy Töraǧasynyŋ orynbasary – Prezident Äkımşılıgı QHA Hatşylyǧynyŋ meŋgeruşısı Marat Äzılhanov, Şymkent qalasy äkımınıŋ orynbasary Särsen Qūranbek, Parlament Senatynyŋ deputattary Alişer Satvaldiev pen Ǧaliasqar Sarybaev, ışkı ıster organdarynyŋ ardagerı Moldiiar Orazaliev, QHA janyndaǧy Mediasiia keŋesınıŋ töraǧasy, Ūlttyq qūryltai müşesı Şerzod Pulatov, sondai-aq Özbekstannan kelgen «Vatandoşlar» qoǧamdyq qorynyŋ ökılderı qatysty.
Is-şara aiasynda Qazaqstan halqy Assambleiasynyŋ qyzmetıne belsendı üles qosqan azamattarǧa qūrmet körsetılıp, arnaiy alǧys hattar tabystaldy. Öz kezegınde söz alǧan QHA Töraǧasynyŋ orynbasary, deputattar men qala äkımınıŋ orynbasary jyly lebızderın bıldırıp, etnomädeni bırlestık belsendılerıne alǧys bıldırdı.
Qazaqstan halqy Assambleiasy Töraǧasynyŋ orynbasary Marat Äzılhanov şyraily şaharda atalyp ötıp otyrǧan berekelı de taǧylymdy festivaldıŋ şynymen de köŋıldı, igı nietke qūrylǧan keremet basqosu ekenın jetkızdı. Būl festivalge jylda qatysyp kele jatqanyn, būrynnan tanys jandarmen qaita jüzdesıp otyrǧanyn aita kele: «Būl bastama – elımızdegı dostyq pen özara syilastyqty, mädenietımızdıŋ aluan türlılıgı men berık bırlıgımızdı aiqyndaityn maŋyzdy ıs-şaralardyŋ bırı. Bärımızge mälım, Qazaqstan – beibıtşılık pen kelısımdı tu etken, türlı etnos ökılderı bır tudyŋ astynda tatu ömır sürıp jatqan memleket. Mūndai yntymaq – halqymyzdyŋ tarihi taŋdauy, köregen saiasatynyŋ jemısı ärı jarqyn bolaşaqqa degen senımınıŋ aiǧaǧy», dedı.
Öz kezegınde qala äkımınıŋ orynbasary, qalalyq Qazaqstan halqy Assambleiasy töraǧasynyŋ orynbasary Särsen Qūranbek bız üşın dastarhan kielı ūǧym, būl – berekenıŋ basy. Ūlttyq mädeniettıŋ özegı bolǧan osy qūndylyqty därıpteu baǧytynda «Dostyq dastarhany» jobasy qalamyzda 2010 jyldan berı jüielı ūiymdastyrylady. Qalalyq özbek etnomädeni bırlestıgı men Qazaqstan halqy Assambleiasy bırlese bastamaşy bolǧan festival 2022 jyldan berı «Dostyq dastarhany – Şymkent palauy» degen ataumen ötkızılıp keledı. Maqsatymyz – eldegı bırlık pen dostyqtyŋ körınısın osy ıs-şara arqyly nasihattau. Bır dastarhan basynda barşa ūlt ökılderı otyryp, bas qosatynyn jūrtşylyqqa paş etu»,- dedı. Sondai-aq, ol «Bız ejelden jaqsyny janyna tartqan bauyrmal, jany jomart, qonaqjai, keŋ peiıldı halyqpyz. Syilastyq, dostyq, qonaqjailyq, sabyrlyq – syndy qūndylyqtardyŋ arqasynda bızdıŋ ortaq üiımız Qazaqstanda beibıtşılık pen qoǧamdyq kelısım saqtalyp otyr. Al berekelı bırlıktıŋ qadırın bılu, baiypty baǧamdau sızder men bızderge jüktelıp otyrǧan mereilı mındet ekenın ūǧynuǧa tiıspız», - dedı.
Festivaldıŋ basty nyşany – köpşılıkke daiyndalǧan dästürlı palau taǧamy boldy. Bıraq būl jai ǧana as emes, el bırlıgı men ūlttar dostyǧynyŋ simvolyna ainalǧan taǧam retınde jaŋaşa maǧynaǧa ie boldy. Biylǧy festivaldıŋ erekşelıgı – Qazaqstan halqy Assambleiasynyŋ 30 jyldyǧyna orai 30 qazan palau äzırlenıp, är qazanǧa «Bırlık», «Dostyq», «Jeŋıske 80 jyl», «Bäiterek» sekıldı mänı tereŋ ataular berıldı.
Mereke 2022 jyldan berı tūraqty türde ötkızılıp keledı. Festival aiasynda Qazaqstan öŋırlerınen, sondai-aq Özbekstan men Äzırbaijannan kelgen üzdık aspazdar arnaiy şaqyrylyp, öz şeberlıkterın paş ettı. Är aspaz türlı ädıspen palau daiyndap, qonaqtardy taŋǧaldyrdy.
Festival barysynda arnaiy qazandarda daiyndalǧan 100 kelı palau Şymkent qalalyq Qazaqstan halqy Assambleiasynyŋ volonterlary arqyly balalar üilerı men köpbalaly otbasylarǧa taratyldy. Demek osyndai taǧam daiyndau arqyly jaqsylyq jasauǧa ündeitın igı bastama boldy. Sonymen qatar, mūndaǧy daiyndalǧan palaular arasynda «Eŋ jas aspaz», «Eŋ ülken aspaz», «Jyldyŋ üzdık aspazy», «Köpşılık qoşemetıne laiyq aspaz» sekıldı atalymdarda üzdıkter marapattaldy. Baǧalau kezınde taǧamnyŋ dämı ǧana emes, ony äzırleu şeberlıgı, körkem bezendırıluı, aspazdardyŋ kiım ülgısı men qyzmet körsetu mädenietı de eskerıldı.
Festivalge qalalyq mäslihat deputattary, qoǧamdyq keŋes müşelerı, etnomädeni bırlestıkter men jastar ūiymdary, aqsaqaldar men analar keŋesınıŋ ökılderı belsendı atsalysty. Būnyŋ özı ūlt pen ūrpaqtyŋ arasyndaǧy altyn köpır. Iаǧni jastar da taǧam arqyly ūlttyŋ ruhyn tanyp, beibıtşılık pen bırlıktıŋ qadırın ūǧynady.
Tatulyqty tu etken mūndai mazmūndy merekelık ıs-şara qazaq jerınde tamyryn tereŋge jaiǧan dostyqtyŋ dämın jūrtşylyqqa sezdırgen erekşe mädeni oqiǧa boldy. Beibıtşılık pen kelısımnıŋ jarqyn simvoly ǧana emes, Qazaqstan halqy Assambleiasynyŋ el ışındegı ūlttar tatulyǧyn saqtau jolyndaǧy 30 jyldyq qajyrly eŋbegınıŋ jemısın körsettı.
Ūqsas jaŋalyqtar
