شىمكەنتتە ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى تۇركىستان وبلىسىنىڭ شەنەۋنىگىنەن قوماقتى اقشا بوپسالاعان كاسىپكەردى ۇستادى. بۇل تۋرالى Polisia.kz حابارلادى، دەپ جازادى "ادىرنا" ۇلتتىق پورتالى.
شىمكەنت قالاسى پد-عا مەملەكەتتىك مەكەمەلەردىڭ ءبىرىنىڭ باسشىسى جۇگىندى. ەر ادام ونىڭ ىسكەرلىك بەدەلىنە نۇقسان كەلتىرەتىن اقپاراتتى تاراتامىن دەپ جەكە كاسىپكەر 50 ملن تەڭگە بوپسالاپ وتىرعانىن ايتتى.
اتالعان جايتتى جەدەل ۋاكىلدەر قر قك-ءنىڭ 194-بابى “قورقىتىپ الۋ” بويىنشا تىركەدى.
ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى جەدەل ءىس-شارالار وتكىزىپ، ناتيجەسىندە كۇدىكتىنىڭ جەكە باسىن انىقتادى. ول بۇرىن مەملەكەتتىك ساتىپ الۋ بويىنشا كونكۋرسقا قاتىسقان مەگاپوليس تۇرعىنى بولىپ شىقتى. الايدا ول كونكۋرستان جەڭىلىپ، جابىرلەنۋشىنى كىنالاعان. ونى پوليتسەيلەر 45 ميلليون تەڭگەنى قولما-قول الۋ كەزىندە ۇستادى. ونىڭ 40 ملن تەڭگەسى جالعان اقشا بولدى.
كۇدىكتى قاماۋدا. وعان قاتىستى سوتقا دەيىنگى تەرگەۋ امالدارى جۇرگىزىلىپ جاتىر. پوليتسەيلەر ۇستالعان ادامنىڭ وسىعان ۇقساس باسقا دا قىلمىستارعا قاتىسى بار-جوعىن تەكسەرەدى.
"ادىرنا" ۇلتتىق پورتالى
