Aıtysker aqyn Serikzat Dúısenǵazy qapııada kóz jumǵan 16 jastaǵy ulynyń rýhyna jyr arnady. Óleńin aqyn óleńin áleýmettik jelidegi paraqshasynda jarııalady, dep habarlaıdy “Adyrna” ulttyq portaly.
Eı, júregim, sabyr, sabyr, sabyr de,
Jasamaıyn kúpirshilik Táńirge.
Qulynymdy qıyp berdim, qaıteıin,
Qabyrǵasy qara sýyq qabirge.
Týra kelgen ne isteı alam ajalǵa?
Sóz taba almaı qor boldym-aý, jazarǵa.
Qalamymnan qara sııa tógildi,
Aq paraqtyń betindegi ǵazalǵa.
Qapelimde oı da kelmeı oramdy,
Toqtata almaı kózden aqqan soramdy.
Qańtar týa qańtaryldym basa almaı,
Ishimdegi alaı-túleı borandy.
Jylaımyn ǵoı, qaıtem endi jylamaı,
Taǵdyr meni jibermedi synamaı.
Kúńirengen shyǵar bálkim osylaı,
Ábishinen aırylǵanda uly Abaı.
Zor qaıǵydan kótere almaı eńsemdi,
Kóz aldymda aspan men jer teńseldi.
On alty-aq jyl oınaqtaǵan, qarǵam-aı,
Senen de átteń, ótti-aý jalǵan ólsheýli.
Ǵalym bolar, aqyn bolar dep edim,
Kóz tıdi me, dara týǵan bóbegim?
Óń men tústiń arasynda otyrmyn,
Túsim qashyp túsine almaı sebebin.
Dúnıeniń ólsheı bilgen paryǵyn,
Adaldyqty júregińnen tanydym.
Zaý bıikte appaq qardyń ústinde,
Zaýlap kelip jany úzilgen jaryǵym.
Áýletimniń mańdaıdaǵy baǵy ediń,
Ákesinen assam deıtin bala ediń.
Armanyńa jetpeı ketken janyńdy,
Tynyshtyqta áldılesin aq ólim.
Aýyrlyǵy qara jerdeı synaqtyń,
Qasiretine qarsy turyp shydappyn.
Qulynshaǵym shapaǵatshy bolar dep,
Baqshasynda segiz túrli jumaqtyń
