Serikzat Dúısenǵazy ómirden ótken ulyna qatysty jazba jarııalady, dep habarlaıdy "Adyrna" tilshisi.
Aqynnyń sózinshe arada bir jyl ýaqyt ótse de sot otyrysy áli jalǵasyp jatyr.
Bir kún ishinde on shaqty sot otyrysy ótken. Sonyń biri qaraly oqıǵa bolǵan jerde, ıaǵnı Elikti parkte ótkizilgen.
"Álıhanymnyń sońǵy kórgen jeri. Osy jerde kóshpeli sot otyrysy ótedi. Ardaqty aǵaıyn, Álıhanymnyń sońǵy demi úzilgen jer. Anaý talǵa soǵylǵan ǵoı. Aınalaıyn-aı deseıshi", - dedi ol.
Aqyn kelesi tarap kinásin moıyndamaı otyrǵanyn jazyp, qaıǵyly oqıǵa bolǵan jer qorshalmaǵanyn aıtady.
"Elikti degen osy mine. Eshqaısyn áli jappaǵan, ashyq tur bári. Moıyndamaıdy, Shymbulaqta da, basqa jerde de solaı deıdi. Sottyń aldynda da jańa daýlasyp qaldyq. Bizde zań da, ıman da - bári óte álsiz eken. Sony baıqap otyrmyn. Bul jigitterde áli ıman joq. Adam ólip jatsa da, ormandy qorshaýǵa bolmaıdy dep daý shyǵaryp otyr", - deıdi aqyn.
