Polıııa qyzmetkerleri Óskemen qalasyndaǵy kolledj stýdentin aıaýsyz soqqyǵa jyqqandarǵa qatysty tergeý amaldaryn júrigizýdi bastady. Oqıǵa beınekadrlaryn áleýmettik jelide taratyp, aqparat aınalymyna salǵan "aıtaqshylardyń" da qylmystyq jaýapkershilikke tartylatyny aıtyldy, dep habarlaıdy "Adyrna" ulttyq portaly.
Óskemen qalalyq polıııasy kamera aldynda qurbysyn kúshtep sheshinýge májbúrlegen bir top jasóspirim qyzdyń áreketin vıdeoǵa túsirip, ony taratý faktisi boıynsha qylmystyq is qozǵalǵanyn málimdedi. Bul jaıly Yk-news jazdy.
"Bul materıaldardy zańsyz taratý faktisi boıynsha qylmystyq is qozǵaldy. Osy qylmystyq is sheńberinde oǵan qatysy bar adamdar anyqtalyp, qylmystyq jaýapkershilikke tartylatyn bolady", - dedi jergilikti polıııa qyzmeti basqarmasynyń Erekshe tapsyrmalar jónindegi aǵa ınspektory, polıııa maıory Áıgerim Beısembaeva.
Jasóspirimdi jábirleýshi topta kolledj stýdentterimen qosa mektep oqýshylary da bolǵan. Olarǵa qatysty ShQO Prokýratýrasynyń qoǵamdyq múddelerdi qorǵaý basqarmasynyń prokýrory Sáýle Gýbasheva aqparat bólisti:
"Segiz jasóspirim anyqtaldy. Beseýi - ártúrli kolledjdiń stýdentteri jáne ártúrli mekteptiń úsh oqýshysy da bar, olar birneshe kún boıy jábirlenýshini qorqytyp, qýdalap, uryp-soǵyp, vıdeoǵa túsirgen".
Esterińizge sala keteıik, sáýir aıynyń basynda áleýmettik jelide jasóspirimderdiń qurbysyn soqqyǵa jyǵyp, qorlaýyn beıneleıtin vıdeo tarady. Alaıda, bul fakt bir aı buryn Óskemendegi saýda ortalyqtarynyń birinde oryn alǵany belgili boldy. Tergeý amaldary jalǵasyp jatyr.
"Adyrna" ulttyq portaly
