Halyq sanyn 20 millionnan asyrǧan 5 säbi: 3 ūl, 2 qyz!

Halyq sanyn 20 milionnan asyrǧan 5 säbi ekenı aityldy. Būl turaly Prezidenttıŋ ışkı saiasat mäseleler jäne kommunikasiialar jönındegı kömekşısı Ruslan Jeldıbai aitty, dem habarlaidy “Adyrna” ūlttyq portaly. Halyqtyŋ derekter bazasynyŋ körsetkışterıne säikes, 2023 jylǧy 14 qaraşada taŋǧy saǧat 8.10-da tuǧan 5 bala elımızdıŋ 20 millionynşy tūrǧyny atandy. Qazaqstannyŋ mereilı azamattary Ūlytau, Jetısu, Atyrau, Aqmola jäne Türkıstan oblystarynda düniege keldı. 3 ūl jäne 2 qyz! “Būryn halyq sany turaly mälımetter qolmen öŋdeletın jäne būl köp uaqytty qajet etetın. Memlekettık aqparattyq jüielerdıŋ integrasiiasy būl prosestı jedeldetuge jäne 20 millionynşy azamattyŋ tuǧan künın joǧary däldıkpen ärı qysqa merzımde anyqtauǧa mümkındık berdı”, dep jazdy Ruslan Jeldıbai. Sondai-aq bügın Memleket basşysy «Ūlttyq qor – balalarǧa» zaŋyna qol qoidy. Kelesı jyldan bastap balalar Ūlttyq qordan öz ülesın alady. Prezidenttıŋ tapsyrmasyna säikes Ūlttyq qordyŋ jyl saiynǧy investisiialyq tabysynyŋ 50%-ın balalardyŋ arnaiy jinaqtauşy şotyna 18 jasqa tolǧanǧa deiın audarylady. Aita ketsek, 2021 jyly 20 mausymynda Qazaqstannyŋ 19 millionynşy tūrǧyny düniege kelgen. Ūlttyq statistika biurosynyŋ halyq sany boiynşa aǧymdaǧy jazbalaryna säikes, Qazaqstanda 19 millionynşy adam Ol Janiia Azamatqyzyn anyqtalǧan bolatyn.

«19 millionynşy tūrǧynnyŋ tuǧan künın anyqtau barlyq demografiialyq oqiǧalardy: tabiǧi ösım (tırı tuylǧandar sany men belgılı bır kezeŋdegı qaitys bolǧandar sany arasyndaǧy aiyrmaşylyq) jäne köşı-qon saldosyn (aiyrma) eskere otyryp jasaldy. Kandidat tūrǧylyqty jerıne qaramastan bükıl respublika boiynşa anyqtaldy.

Jalpy, täuelsızdık jyldarynda halyq sany 2 million 557 myŋ adamǧa (15,5 paiyzǧa) ösıp, aǧymdaǧy jyldyŋ 1 şıldesıne 19 million 9,6 myŋ adamdy qūrady», - dep habarlaǧan Statistika biurosy.

Sondai-aq, 2017 jyly Qazaqstannyŋ 18 millionynşy tūrǧyny qyz ben Almaty oblysynyŋ tūrǧyny boldy. 2017 jyly 11 mamyrda Samatqyzy Muslima Taldyqorǧan qalasynda düniege kelgen. Onyŋ ata-anasyna 3 bölmelı päter berıldı.

Biyl Memleket basşysy Qasym-Jomart Toqaevtyŋ «Ädılettı Qazaqstannyŋ ekonomikalyq baǧdary» atty Qazaqstan halqyna Joldauynda Elımızde jyl saiyn 400 myŋnan astam bala düniege keletının, jyl soŋyna deiın halqymyzdyŋ sany 20 millionǧa jetetını aitylǧan.

“Qazaqstan – älemdegı eŋ jas memlekettıŋ bırı. Azamattarymyzdyŋ ortaşa jasy – 32 jas. Tūrǧyndardyŋ üşten bırı – jastar.

Ükımettıŋ mındetı – qazırgı demografiialyq ahualdy elımızdıŋ bäsekege qabıletın arttyruǧa paidalanu.

Adal azamat jäne tūǧyrly tūlǧa boludyŋ negızı bala kezden qalyptasady. Sondyqtan bız jas ūrpaqtyŋ qauıpsız ärı alaŋsyz ömır süruın qamtamasyz etuge tiıspız.

Men Memleket basşysy retınde kämeletke tolmaǧandarǧa jasalǧan zorlyq-zombylyqtyŋ kez kelgen türıne qatysty jazany küşeitudı talap etemın” degen edı Joldauda.