Fýtboldan ulttyq qurama ÝEFA Ulttar lıgasynyń 4-týr aıasynda Slovenııa quramasymen kezdesti, dep habarlaıdy «Adyrna» ulttyq portaly.
Almatydaǵy Ortalyq stadıonda ótken oıyn 0:1 esebimen aıaqtaldy.Bul matchtaǵy jalǵyz goldy Slovenııa quramasynyń shabýylshysy Ian Mlakar 55-mınýtta soqty.
Eske salaıyq, Qazaqstan quramasy Ulttar lıgasyndaǵy alǵashqy kezdesýin Norvegııamen sensaııalyq teń oıynmen (0:0) bastady, biraq odan keıin eki iri jeńiliske ushyrady: aldymen Stanıslav Cherchesovtyń shákirtteri qonaqta Slovenııadan (0:3) jeńilse, keıin Avstrııa quramasynan syrt alańda (0:4) utyldy.
Slovenııa quramasynyń Ulttar lıgasyndaǵy alǵashqy oıyndaryna keletin bolsaq, olar Qazaqstandy jeńýden bólek, Avstrııamen teń oınap (1:1), Norvegııadan (0:3) jeńilis tapty.
