Bıyl stýdentterdiń stıpendııasy 20%-ǵa ósedi. Bul týraly Úkimet basshysynyń baspasóz qyzmeti jarııalady, dep habarlaıdy “Adyrna” ulttyq portaly.
Bıyl stýdentterdiń stıpendııalary 20%-ǵa, al magıstranttar men doktoranttardyń stıpendııalary 2020 jylǵy kórsetkishtermen salystyrǵanda 15%-ǵa ósedi. Budan basqa, memlekettik bilim berý granttarynyń sanyn 10%-ǵa ulǵaıtý josparlanǵan.
Sonymen qatar stýdentterdi jataqhanamen qamtamasyz etý jumystary basty nazarda.
Birinshi jartyjyldyqta memlekettik tapsyrys sheńberinde 5500 oryndyq 9 stýdenttik jataqhanany paıdalanýǵa berý josparlanýda. Buǵan qosa, jataqhanalardy qaıta jóndeý jáne salý isi MJÁ tetigi boıynsha júzege asyrylady. Bul rette JOO-lar jataqhanalarda oryndardyń qajetti sany bolǵan jaǵdaıda ǵana qosymsha mamandyqtar asha alatyn bolady.
