Prezident Qasym-Jomart Toqaev qazırgı uaqytta Japoniiada bılım alyp, türlı salada qyzmet etıp jürgen Qazaqstan azamattarymen kezdestı. Būl turaly bügın, 18 jeltoqsanda Aqordanyŋ baspasöz qyzmetı jazdy, dep habarlaidy «Adyrna» tılşısı.
Memleket basşysy Japoniia siiaqty damyǧan eldıŋ täjıribesın zerdeleu maŋyzdy ekenın aitty.
«Būl sapar ekı el arasyndaǧy qarym-qatynasqa tyŋ serpın beredı dep oilaimyz. Japon tarapy da ülken män berıp otyr. Bügın Premer-ministrmen kezdesemın. Yntymaqtastyǧymyzdyŋ keleşegı zor bolatynyna eşqandai kümän joq. Özderıŋızge belgılı, Qazaqstan öz damuynda jaŋa kezeŋge qadam basty. Biyl el ekonomikasynyŋ ösımı 6 paiyzdan asty. Būl – öte jaqsy körsetkış. Degenmen mūnymen toqtap qaluǧa bolmaidy. İnfliasiiany tömendetu, infraqūrylymdy jaŋartu qajet. Qazaqstan keleşekte sifrlyq elge ainaluy kerek. Aldymyzda osyndai ülken maqsattar tūr»,– dedı Qasym-Jomart Toqaev.
Otandastarymyz arasynan Ritsumeikan Aziia – Tynyq mūhity universitetınıŋ vise-prezidentı, professor Serık Meiırmanov, ARIA Consulting negızın qalauşy Arailym Hasan, Showa jäne Juntendo medisina universitetterınıŋ dosentı Äbdıbek Qalibek, Ailia kompaniiasynda jasandy intellekt tehnologiiasymen ainalysatyn injener Eldar Töleubai söz söilep, özderınıŋ Künşyǧys elındegı jetıstıkterımen bölıstı.
Prezident Japoniiada tūryp jatqan qazaqstandyqtarǧa tabys tıledı.
